ОДБ Брусель разам з Праграмай падтрымкі Беларусі Федэральнага ўрада Германіі запрашаюць некамерцыйныя арганізацыі на сустрэчы па наладжванні партнёрстваў, якія пройдуць у Мінску і Гародні.
Час і месца:
- 26 ліпеня, 11:00 – 15:00 – Мінск;
- 27 ліпеня, 12:30 – 16:00 – Гародня.
Мэтавая аўдыторыя: некамерцыйныя арганізацыі, якія працуюць у галіне ўстойлівага развіцця і жадаюць знайсці партнёраў з Германіі для рэалізацыі сумесных праектаў. Вітаецца ўдзел арганізацый, мэта якіх скіравана на рэгіянальнае развіццё, захаванне рэсурсаў, нефармальную адукацыю, абарону ўразлівых груп насельніцтва праз праграмы і праекты ў сферы ўстойлівага развіцця ды інш.
Мэта мерапрыемстваў: падрыхтоўка сумесных прапаноў для конкурса праектаў Праграмы падтрымкі Беларусі Федэральнага ўрада Германіі.
Праграма мерапрыемстваў:
- інфармацыя пра конкурс праектаў Праграмы падтрымкі Беларусі Федэральнага ўрада Германіі.
- знаёмства з досведам нямецкіх арганізацый-удзельніц;
- абмеркаванне магчымасцей супрацоўніцтва і г.д.
Працоўныя мовы сустрэчы – ангельская і руская.
Дэдлайн падачы заяўкі – 22 ліпеня 2016 года, 24:00.
Зацікаўленыя мусяць даслаць заяўку-ліст на е-мэйл maksim@odb-office.eu. У заяўцы-лісце трэба пазначыць :
- Імя, прозвішча;
- Назву сваёй арганізацыі або ініцыятывы;
- Кантактны тэлефон і е-мэйл;
- Сціслае апісанне задумкі (ідэі) праекта (максімум 200 слоў);
- Горад, дзе жадаеце ўдзельнічаць у мерапрыемстве (Мінск або Гародня адпаведна).
Запрашэнні на ўдзел будуць дасланы абраным кандыдатам не пазней за 23 ліпеня. Па дадатковых пытаннях звяртайцеся на е-мэйл maksim@odb-office.eu, па тэлефрнах +37544 761 31 51 , +37529 560 30 50 (спадар Максім Падбярозкін).
Больш падрабязнасцей па спасылцы.