Фундацыя Каралевы Ядвігі прапануе стыпендыю The Queen Jadwiga, каб падтрымаць даследванні студэнтаў з цэнтральнаеўрапейскіх, балканскіх і постсавецкіх краін у Ягелонскім універсітэце.
Лакацыя – Кракаў, Польшча. Перыяд – 2016 – 2018 гг.
Фундацыя The Queen Jadwiga была заснавана ў памяць аб Каралеве Ядвiзе, якая пакiнула ўсё сваё багацце на рэканструкцыю Кракаўскай Акадэмii i разам з тым заснавала 600-гадовую стыпендыяльную праграму для Ягелонскага ўнiверсiтэта.
Мэта фундацыі – падтрымаць акадэмiчных супрацоўнiкаў i студэнтаў-дактарантаў з высокiмi дасягненнямi ў даследваннях.
Фінансавыя ўмовы
Стыпендыя складае 1500 злотых штомесяц. Стыпендыяты забяспечваюцца жыллём у інтэрнаце і базавай медыцынскай страхоўкай на перыяд навучання.
Неабходныя дакументы:
- запоўненая аплікацыйная форма;
- CV;
- план даследвання;
- інфармацыя пра акадэмічную працу кандыдата;
- пералік публікацый;
- падцверджанне ад супрацоўніка Ягелонскага ўніверсітэта.
Дэдлайн – 15 чэрвеня 2016 года.