Egyesek Youth Association (Вугоршчына) запрашае на трэнінгавы курс ImproWise.
Перыяд – 11-17 лютага 2017 года. Лакацыя – Hollókő, Вугоршчына.
Імпра-практыкаванні нярэдка прадстаўляюцца як вясёлыя гульні і энэрджайзеры. Насамрэч, імправізацыйны тэатр – гэта комплексная адукацыйная методыка, а не толькі серыя прыемных практыкаванняў. Ён вучыць высокаму ўзроўню кааперацыі і прадстаўляе мноства магчымасцей для набыцця навыкаў і персанальнага развіцця.
ImproWise скіраваны на трэнераў, фасілітатараў, моладзевых работнікаў, моладзевых лідараў, адукатараў, настаўнікаў, якія актыўна працуюць з групамі маладых людзей і жадаюць пашырыць выкарыстанне гэтай тэхнікі.
Падчас трэнінгу ўдзельнікі даведаюцца пра:
- прынцыпы імправізацыйнага тэатра;
- натхненне і давер партнёру на сцэне;
- актыўны ўдзел і высокі ўзровень увагі;
- пазітыўнае стаўленне і прыняцце;
- баланс паміж гнуткасцю і рашучасцю;
- спантаннасць і мысленне “па-за межамі каробачкі”;
- развіццё характару;
- сторытэлінг ды імправізацыю.
У трэнінгу возьмуць удзел 20 чалавек. Працоўная мова – ангельская.
Фінансавыя ўмовы
Унёсак за ўдзел складае 340 еўра для тых, хто працуе, і 290 еўра для студэнтаў і тых, хто займаецца неаплочваемай працай. Гэтая сума пакрывае выдаткі на пражыванне ў UNESCO World Heritage village, харчаванне, трэнінгавы матэрыял і памяшканне, у якім ён будзе адбывацца. Выдаткі на праезд і візу (калі неабходна, арганізатары падрыхтуюць ліст-запрашэнне) пераймае сам удзельнік.
Падаць заяўку можна па спасылцы.
Дэдлайн – 10 снежня 2016 года. Пра выніку адбору паведамяць 12 снежня.