ADU-Share #3

Сакавік — гэта месяц новых пачынанняў, месяц новых спадзяванняў, і, магчыма, новых адукацыйных перамог! У сакавіку сакавітыя цікавосткі збірала для вас наша сяброўка Таня.


Анлайн-курсы

Анлайн-адукацыя распаўсюджваецца хутчэй за любы вірус, і можна згубіцца ў гэтым моры адукацыйных прапаноў, але мы радыя кожны месяц клапатліва адлоўліваць для вас усё найцікавейшае. Звычайна з дапамогай анлайн-курсаў я вырашаю дзве адукацыйныя задачы: ці паглябляюся ў сваю прафесійную сферу, ці наадварот - вывучаю нешта супрацьлеглае для асабістага развіцця. Вось што мне трапілася ў сакавіку:

  • Культура як палітыка - адзін з першых курсаў Адкрытага ўніверсітэта. Эксперты  - адзін лепш за другога. Матэрыял падаецца з большага ў расійскім кантэксце, але ж вельмі цікава распавядаюць пра апошнія гады саветаў і першыя паслясавецкія гады, што шмат у чым адпавядае беларускім рэаліям. Я зараз трошкі больш разумею сучаснае беларускае мастацтва, бо разумею, адкуль ножкі растуць.
  • Seeing Through Photographs - курс па фатаграфіі ад музею сучасных мастацтваў у Нью-Йорку (MoMA). Круты тым, што падыходзіць для непрафесіяналаў і вучыць разбірацца ў самім сэнсе фатаграфіі. Вельмі раю тым, хто хоча хадзіць на фотавыставы і разумець іх. Вядома, што адзін з лепшых у свеце музеяў не будзе прапанаваць усялякую бязглуздзіцу :)
  • І яшчэ трошкі пра культуру і яе разуменне - Як зразумець жывапіс XIX ст. ад непараўнальнага Арзамаса. Як заўсёды, круты і якасны курс, пасля якога адразу хочацца бегчы ў музей і усё скарыстаць на практыцы. Пагартайце і іншыя курсы - бяссонная ночка вам гарантавана!
  • Основы философии: о чем спорят философы сегодня - калі не паспелі разабрацца з гэтай навукай ва універсітэце, дарога вам на гэты курс ад расійскай НДУ ВШЭ. Даступна, цікава і з аналізам сучаснасці - усё як мы любім.

 


Чытво

Калі з анлайн-адукацыяй яшчэ ўсё толькі пачынаецца, то вось з тэкстамі ўсё зашмат складаней - нават пакуль я пісала гэта, свет убачылі тысячы новых артыкулаў і выданняў. У гэтым месяцы шмат чыталася пра гісторыю і павышэнне асабістай эфектыўнасці. Асабліва кранулі мяне:


Відэа

Відэа - круты варыянт, калі хочаш паспець некалькі справаў адначасова ці стамляешся чытаць бясконцыя ленты сацсетак і сайтаў. Мой фаварыт, безумоўна, TED.com, але ў сакавіку натрапіла і на нешта іншае, таму атрымалася:

  • У гэтым месяцы я з захапленнем паглядзела каля 30 відэа на TED.com на тэму адукацыі, чаго і вам жадаю. А пачаць я прапаную з класікі - Кен Робінсан і 10 яго лепшых прамоваў.
  • Калі ж тэма захопіць вас неверагодна, можна працягнуць з тэмай школьнай адукацыі, і вось на TED таксама ёсць якасная падборка - Re-imagining school.

Фільмы Яна Артюса-Бертрана, французскага фатографа і журналіста, можна глядзець проста адзін за адным без перапынкаў. У іх так паказана наша планета, што проста дух захоплівае! А яшчэ пачынаеш добра прызадумвацца над тым, што ж гэта мы робім з усёй гэтай прыгажосцю. Пачаць можна з “Дом: гісторыя вандровак”, на здыманне якога аўтару спатрэбілася 15 год.


Мовы

  • Калі нарэшце надумаеце падцягнуць сваю ўкраінскую з узроўня разумення да добрай размовы, нашы новыя сябры з Кіева зрабілі падборку класных прылад - Про те і мова: п'ять способів зручно вчити українську онлайн.
  • А калі жадаеце класічна падцягнуць ангельскую, то зрабіць гэта можна з мега-вясёлай Роні у форме кароткіх і карысных відэа-урокаў - яна і пра гісторыю дня святога Валянціна вам распавядзе так, што будуць балець жывоцікі. Глядзець усё тут.