---

Святлана Немянкова, студэнтка Акадэміі камунікацый Wordshop у Маскве, стратэг медыйнай агенцыi MEC Russia: “Ніколі не спыняйся. Ні ў жыцці, ні ў навучанні!”

Што такое Wordshop і як ты туды трапіла?

Акадэмія камунікацый Wordshop была адной з першых, хто выйшаў на адукацыйны рынак у сферы рэкламы. Упершыню я пра яе даведалася, калі зразумела, што адной на працы ў сферы рэкламы мне мала і што я жадаю атрымліваць дадатковую адукацыю.

Я наведала адкрытыя заняткі, схадзіла на дні адчыненых дзвярэй і на нейкі час забыла пра гэта. Потым выпадкова ў фэйсбуку ўбачыла аб’яву пра конкурс на бясплатнае навучанне альбо на навучанне са зніжкай. Для мяне гэта быў шанец, таму што навучанне ў школе дарагое.

У акадэміі камунікацый Wordshop ёсць 5 факультэтаў: капірайтынг, арт-дырэкшн, медыяпланаванне, стратэгія і відэа. У чым сутнасць кожнага напрамку і чаму ты абрала стратэгію?

Я абрала стратэгію не таму, што яна там ёсць, а таму што я жадала навучацца на кірунку стратэгія.

Калі казаць агулам, то капірайтынг – гэта слова, або на якой мове гаворыць твой брэнд; медыяпланаванне – гэта тое, дзе ты хочаш размяшчаць сваю рэкламу; стратэгія – як знайсці шлях да спажыўца, праз якія паведамленні і з дапамогай чаго; арт-дырэкшн – як зачапіць спажыўца праз візуальныя вобразы; прадусаванне – гэта прасоўванне прадуктаў. Стратэгія – гэта тое, што ахоплівае кожную з гэтых сфер. Стратэгу трэба ўмець пабудаваць масток і з капірайтэрам, і з арт-дырэктарам, і з медыяпланёрам. Гэта такі лекар у шпіталі, які павінен знайсці агульную мову з усімі.

Ужо прайшоў год, як ты адвучылася, што табе дала гэтая праграма?

Калі я туды паступіла, я яшчэ працавала медыапланёрам. Калі адвучылася менш за паўгады, мяне запрасілі працаваць стратэгам. Мая мэта была дасягнутая ўжо на сярэдзіне шляху. Потым я навучалася і ў іншых школах, але Wordshop адрозніваецца тым, што дае магчымасць пагружэння ў асяроддзе. Ты хутчэй працуеш, чым вучышся, паколькі ўсе задачы максімальна рэалістычныя. Усё выбудавана так, каб ты прыйшоў у кампанію i адразу мог ўключыцца ў працоўны рэжым, а не адчуваць сябе страчаным і недасведчаным.

Чым адрозніваецца праграма ад класічнай універсітэцкай адукацыі?

Галоўнае адрозненне – гэта тое, што там выкладаюць практыкі, людзі, вядомыя на рынку, якіх шануюць, якія ўжо нечага дасягнулі ў гэтай сферы. У плане працэсу навучання спадабалася тое, што акрамя свайго факультэта, можна наведваць заняткі на іншых кірунках. Часта людзі прыходзяць на адзін факультэт і разумеюць, што гэта не тое, чаго яны чакалі, і сыходзяць на іншы факультэт. Акадэмія дае магчымасць раскрыць свой патэнцыял, выкарыстоўваць розныя інструменты, зразумець, з чаго складаецца рэклама.

Слоган Wordshop – “Change your head” (змяні сваё ўспрыняцце). Цябе вучаць думаць па-новаму. Перш за ўсё – табе даюць асновы прафесіі. Тэорыя складаецца з мноства інструментаў. Напачатку табе трэба іх вывучыць. Далей ты ўжо сам разумееш, прымаць гэты інструмент цалкам ці мяняць яго пад сябе.

Як пабудаваныя заняткі на факультэце “Стратэгія”?

Ты вучышся два гады. Увечары ў буднія дні і днём на выходныя. Абавязковых два ці тры дні для наведвання, а далей па жаданні – ёсць магчымасць наведваць іншыя заняткі і прыходзіць у іншыя дні па-за рамкамі заняткаў твайго факультэта. Колькасць студэнтаў у групе залежыць ад факультэта, на маім было каля 20 чалавек.

Першы год – гэта база. Маркетынг, асновы стратэгіі, брэнд-менеджмент, маркетынгавыя даследаванні і іншае. Другі год – камунікацыйная стратэгія. І, вядома, падрыхтоўка да дыпломнай працы.

Ты скончыла праграму за год?

Так, я адразу пайшла на другі год, таму што ў мяне было, як мне здавалася, разуменне “маркетынгу” увогуле. Але потым я зразумела, што памылілася. Я думаю, што гэта праблема многіх маладых людзей. Нам здаецца, што мы можам хутка ўсяму навучыцца, што няма нічога складанага. Але паколькі ты і працуеш, і вучышся, такі аб’ём вельмі складана адразу ахапіць. Я ў нейкі момант зразумела, што за год нельга навучыцца. Сапраўды трэба больш часу на гэта. І, зрэшты, вучыцца трэба заўсёды. І я да гэтага часу чытаю дадатковую літаратуру і вучуся.

Галоўная асаблівасць навучання?

Гэта кейсавае навучанне. Ты глядзіш на канчатковы вынік і вучышся выбудоўваць ланцужок, якi да яго прывeў. Што такое стратэгія? Гэта шлях з кропкі А ў кропку Б, на падставе таго, якія ў цябе ёсць інструменты і рэсурсы. І як табе з гэтымі рэсурсамі ў гэтую кропку патрапіць. Потым ты сам пачынаеш гэты ланцужок у сябе ў галаве выбудоўваць. Менавіта так выпрацоўваюцца навыкі стратэга – праз пазнанне ўсяго шляху, які прайшоў брэнд.

Экзамены, залікі ў звыклым нам прадстаўленні ёсць?

Так, вядома, як і ўсюды, гэта аснова і паказчык эфектыўнасці навучання. Акрамя хатняй працы, калі ты павінен сам напісаць крэатыўны брыф ці, напрыклад, прапісаць Інсайт – у нас таксама былі залікі і асноўны экзамен у выглядзе дыпломнай працы.

Якія ты можаш даць рэкамендацыі абітурыентам?

Вельмі раю пагутарыць з тымі, хто вучыўся на спецыяльнасцях, якія здаюцца цікавымі. Схадзіць на дзень адчыненых дзвярэй, звярнуцца да куратараў або пагаварыць са студэнтамi ў групе Wordshop на фэйсбуку. Важна зразумець чаго вы чакаеце ад адукацыі і наколькі гэта суадносіцца з тым, што можа даць акадэмія. Калі вы вырашылі, што гэта тое, пра што вы марылі, безумоўна, трэба рыхтавацца,. Ну і, вядома, ніколі не спыняцца на дасягнутым. Стаўце новыя мэты і ўпэўнена рухайцеся да іх! Поспехаў!