• 22.03.2015
• Анлайн-курсы

---

Галоўнае адрозненне EdX ад іншых МААК-плятформаў у тым, што EdX з’яўляецца цалкам некамерцыйным праектам і працуе на пляцоўцы з адкрытымі зыходнікамі. EdX належыць Масачусецкаму Тэхналагічнаму Інстытуту і Гарвардскаму Універсітэту.

На сайце можна знайсці больш за 300 розных курсаў, з іх частка знаходзіцца ў архіве, а частка дзейнічае. Курсы доўжацца ад аднаго да пяці месяцаў. Па заканчэнні курсаў можна бясплатна атрымаць сертыфікат. Некаторыя курсы прадугледжваюць атрыманне верыфікаванага сертыфікату за невялікі грашовы ўнёсак.