• 25.05.2016

---

Думаю, кожны пагодзіцца з тым, што сёння без замежнай мовы нідзе не абысціся, бо практычна любая вандроўка за мяжу, праграма студэнцкага абмену ці адукацыйны візіт патрабуюць валодання мовай хаця б на элементарным ўзроўні. Праца, вучоба, падарожжы, самаразвіццё – мэты вывучэння ва ўсіх свае. Сапраўды, валоданне замежнымі мовамі – гэта перш за ўсё магчымасці. Магчымасці рэалізаваць сябе там, куды душа просіцца мацней за ўсё.

На жаль ці шчасце, не ўсе мы можам дазволіць сабе курсы ці персанальнага выкладчыка, у кагосьці не хапае часу, а некаторых, як і мяне, папросту не вельмі прыцягваюць абавязковыя ўрокі, хатнія заданні і банальнае «завучванне». Але існуе вялікае мноства спосабаў вывучэння замежных моў без гэтых непрыемных абставінаў.

***

З тысячы сайтаў і мабільных прыладаў часам складана абраць сапраўды вартыя, таму вось невялікі спіс суб’ектыўна-цікавых і, галоўнае, бясплатных рэсурсаў, дзе можна пачаць вучыць ангельскую мову (без якой ну наогул нікуды) ці удасканальваць свае веды.

Рэсурсы BBC

• http://www.bbc.co.uk/learningenglish
• http://www.bbc.com/russian/learning_english (руская служба)

Тут прадстаўлена мноства матэрыялаў для вывучэння як звычайнай, так і бізнэс-ангельскай. Таксама можна паглядзець смешныя анімацыйныя серыялы.

Learn English British Council

• http://learnenglish.britishcouncil.org/en/

Яшчэ адзін выдатны рэсурс для вывучэння ангельскай мовы, дзе можна знайсці шмат матэрыялаў, відэаролікаў, гульняў, прафесійных падкастаў і асобнага раздзел для падрыхтоўкі да IELTS (International English Language Testing System).

Learning English Free Online

• http://www.learnenglish.de/

Сайт з вялікай колькасцю матэрыялаў для розных узроўняў падрыхтоўкі і з шырокім выбарам фарматаў вывучэння – ад урокаў і відэа да гульняў і камунікацыі з іншымі.

MySpelling

• http://www.myspelling.net/

Тут вы знойдзеце выдатную практыку правапісу. Для тых, хто блытае see і sea.

Exam English

• http://www.examenglish.com/

Шыкоўны рэсурс для тых, каму трэба рыхтавацца да міжнароднага моўнага іспыту (IELTS, TOEFL, TOEIC і г.д.).

Englishtips

• http://englishtips.org/

Вялікі выбар кніг і падручнікаў для спамоўвання.

LinguaLeo

• http://lingualeo.com/ru

Адзін з самых папулярных рэсурсаў для вывучэння ангельскай мовы. Пасля рэгістрацыі студэнт праходзіць тэст на вызначэнне ўзроўню ведаў і атрымоўвае асабістую праграму навучання. Затым абірае фільмы, кнігі, серыялы і музыку з багатай калекцыі матэрыялаў, падрыхтаванай прафесіяналамі і іншымі карыстальнікамі. Мноства інтэрактыўных трэніровак дапамогуць папрактыкаваць тэарэтычныя веды і вучыць новыя словы.

Urban dictionary

• http://www.urbandictionary.com/

Найцікавейшы англамоўны анлайн-слоўнік, дзе матэрыялы рэдагуюцца добраахвотнікамі і ацэньваюцца наведвальнікамі сайта. Слоган: «Urban Dictionary – гэта слоўнік, напісаны табой».

Watch series

• http://watchseries.ag/

Фільмы і серыялы на ангельскай мове, якія часам вельмі цяжка знайсці, можна без праблем паглядзець тут.

Babeleo books

• http://babeleo.com/

Самыя папулярныя сусветныя творы на мове арыгіналу з аўдыяверсіяй і мастацкім перакладам. З дапамогай ўбудаваных інструментаў для працы са слоўнікамі можна з лёгкасцю вывучаць лексіку. Распрацоўшчыкі абяцаюць у хуткім часе запусціць і мабільныя прылады для iOS, Android і Windows phone.

***

Вучыцца чамусьці новаму заўсёды цікава, але часам складана. Гэта тычацца і вывучэння моў. Трэба проста паставіць мэту, выбраць цікавы фармат, які падыходзіць менавіта цябе, і проста пачаць!