Адукацыя.Інфo шукае валанцёраў

Каманда Адукацыя.Інфo вярнулася з вакацый і з натхненнем працягвае працу. Мы будзем радыя вітаць новых удзельнікаў у нашай камандзе, і таму прапаноўваем сустрэчу-знаёмства, дзе можна будзе задаць нам пытанні і далучыцца да праекта. 

Мы, каманда сайта www.adukacyja.info, на працягу 15 год добраахвотна робім нашую старонку. Праект — цалкам валанцёрская ініцыятыва, дзейнасць якой адпавядае прынцыпам гарызантальнага кіравання. Гэта значыць, што у нас вялікая прастора для творчасці і эксперыментаў, а таксама атмасфера ўзаемнай падтрымкі.

У якасці бонусаў за валанцёрскі ўнёсак мы прапаноўваем:

  • кантакты з творчымі і цікавымі людзьмі;
  •  пляцоўку для рэалізацыі сваіх талентаў і ўменняў;
  • досвед у журналісцкай, арганізатарскай і іншых галінах працы;
  • рэгулярная камунікацыя з камандай і пляцоўка дла абмена досведам;
  • удзел у семінарах па павышэнні кваліфікацыі каманды;
  • удзел у адукацыйных сустрэчах, трэнінгах, стажыроўках і мерапрыемствах у Беларусі і за мяжой.

Вы дакладна пракачаецеся па тэмах, як падавацца на трэнінгі і стажыроўкі, складаць класныя рэзюмэ і матывацыйныя лісты, а пры адпаведнай актыўнасці і пры неабходнасі атрымаеце ад нас рэкамендацыйныя лісты.


Каго мы шукаем сёння? Тых, хто цікавіцца адукацыяй і хоча падзяліцца сваім меркаваннем і досведам з іншымі. Неабыякавых да старонкі, натхнёных, крэатыўных:

  • перакладчыкаў: для тых, каму цікава шукаць і перакладаць на беларускую мову навіны пра стыпендыі, стажыроўкі, конкурсы ды іншыя цікавосткі;
  •  журналістаў і блогераў: не абавязкова па прафесіі, галоўнае – парыў душы;
  •  даследчыкаў у адукацыйнай сферы;
  • праграмістаў: каб падтрымліваць сайт, пазбаўляцца ад багаў, рабіць сваечасовыя бэкапы і яшчэ кучу ўсяго;
  • фатографаў: каб напрацоўваць базу крутых якасных здымкаў для абвестак і артыкулаў;
  • спецыялістаў SMM і піяршчыкаў: мы жадаем быць дасяжнымі для ўсё большага кола чытачоў. У сучасным свеце ёсць столькі ўсяго, што можна піярыць, але, калі піяр ад душы, – гэта ж зусім іншая справа!
  • маркетолагаў: канешне, не для напісання маркетынгавай стратэгіі на сто старонак, а каб пратэсціраваць свае веды на практыцы;
  • фандрайзераў: жадаючых паспрабаваць сябе ў гэтай якасці, а таксама тых, хто ўжо даўно разабраўся з гэтым на практыцы.

Калі вам адгукнулася нешта з напісанага, прыходзьце на сустрэчу з каардынатаркамі валанцёрскай каманды ў Мінску 18 сакавіка a 18:30. Таксама будзе магчымасць далучыцца анлайн.

Падчас сустрэчы мы распавядзем больш пра праект, пазнаёмімся і адкажам на вашыя пытанні пра працу каманды, а каму будзе цікава — разам складзем план супрацы на бліжэйшы час.

Месца сустрэчы паведамім на наступным тыдні. Калі ласка, да 14 сакавіка ўключна паведаміце нам, ці зможаце далучыцца, адказаўшы на міні-апытанку.