Настаўнікі, выкладчыкі педагагічных установаў і метадысты запрашаюцца на курс дыстанцыйнага навучання “Медыяадукацыя ў школе”.
Калі: снежань 2017 – сакавік 2018 года.
Дзе: Мінск, Беларусь.
Патрабаванні да кандыдатаў:
- займацца актыўнай выкладчыцкай дзейнасцю і мець жаданне развіваць свае прафесійныя навыкі, прафесійную самарэалізацыю;
- быць адкрытымі да ўспрыняцця новай інфармацыі і гатовымі да апрабацыі новых ведаў на практыцы;
- валодаць базавымі ведамі па карыстанні камп’ютарам і мець доступ да інтэрнэту, мець уласную скрыню электроннай пошты.
Змест і арганізацыя курсу
Дыстанцыйны курс “Медыяадукацыя ў школе” складзены беларускімі педагогамі з мэтай дапамагчы настаўнікам выкарыстаць “бонусы” медыйнай прасторы для навучання: пашырэння і актуалізацыі змеcту навучальных прадметаў, павышэння матывацыі і фармавання медыйнай граматнасці вучняў.
Курс практыка-арыентаваны, ён не будзе патрабаваць ад настаўніка правядзення дадатковых заняткаў. Падобна навучанню традыцыйнай граматнасці, медыяграматнасць уяўляе сабой набор кампетэнцый, якія можна фармаваць пры выкладання любых прадметаў.
Курс складаецца з 6 модуляў. Кожны модуль будзе цягнуцца ад аднаго да трох тыдняў. У кожным модулі ўдзельнікі будуць атрымліваць дыдактычны матэрыял і заданне, якое будуць павінны зрабіць у класе са сваімі вучнямі (студэнтамі). Пры жаданні ўдзельнікі змогуць карыстацца дадатковай літаратурай, а таксама матэрыяламі, якія будуць дасланы ўсім удзельнкам курса. Пасля кожнага модуля пішацца справаздача ў выглядзе анкеты.
Настаўнікі, якія скончаць курс, атрымаюць пасведчанне аб заканчэнні 60-гадзіннага курсу.
Для найлепшых удзельнікаў курсу плануецца магчымасць удзелу ў міжнароднай школе па медыяграматнасці (у сакавіку 2018 г.) і знаёмства з практыкай медыяадукацыі ў шведскіх школах.
Тэрмін навучання – 3,5 месяцы. Пачатак курсу – 10 снежня 2017 г.
Удзел у навучанні – бясплатны.
Хто вядзе курс
Курс дыстанцыйнага навучання праводзіцца пры арганізацыйнай падтрымцы РГА “Таварыства беларускай школы”, адукацыйнага парталу www.nastaunik.info. У якасці ментараў і кансультантаў выступаюць найлепшыя педагогі-практыкі, метадысты і выкладчыкі ВНУ, якія маюць тэарэтычную падрыхтоўку, уласны досвед правядзення заняткаў з медыяадукацыйным зместам.
Як падаць заяўку
Для ўдзелу ў конкурсным адборы трэба запоўніць анкету-заяўку . Перавага будзе аддадзена найбольш матываваным удзельнікам і прадстаўнікам школ, дзе працуюць інавацыйныя пляцоўкі.
Дэдлайн – 7 снежня 2017 года да 17:00.
На курс плануецца набраць 30 чалавек.
Пра вынікі адбору будзе паведамлена да 10 снежня 2017 года.