Адукацыйны візіт у Беласток

“Беларускі Дом” у Варшаве аб’яўляе прыём заявак на ўдзел у адукацыйным візіце для прадстаўнікоў грамадзянскай супольнасці і прадпрымальнікаў.

Калі: 23-26 чэрвеня 2019

Дзе: Беласток, Польшча

Мэта: пазнаёміць беларускіх удзельнікаў з досведам польскай трансфармацыі ў розных галінах грамадскага, эканамічнага і культурнага жыцця, даць магчымасць наладжвання новых кантактаў і сувязяў для далейшай супрацы і развіцця беларуска-польскіх стасункаў. Удзел у праекце дасць удзельнікам магчымасць даведацца пра шлях трансфармацыі Польшчы, правядзенне рэформаў, еўрапейскую інтэграцыю. Удзельнікі таксама атрымаюць тэарэтычныя і практычныя веды ў галіне развіцця малога і сярэдняга бізнэсу ў Польшчы на прыкладзе Падляшскага ваяводства, пазнаёмяцца з жыццём беларускай меншасці на Падляшшы і досведам памежнага супрацоўніцтва паміж Польшчай і Беларуссю.

Патрабаванні да кандыдатаў:

• Мець досвед грамадскай, прадпрымальніцкай дзейнасці ці працы ў дзяржаўных органах у Беларусі

• Пунктуальнасць і ўдзел ва ўсіх сустрэчах згодна з праграмай падчас стажыроўкі

Фінансавыя ўмовы:

Арганізатар забяспечвае даезд, пражыванне, харчаванне ўдзельнікаў, пераклад з польскай мовы на беларускую падчас стажыроўкі ў Беластоку, а таксама ажыцяўляе візавую падтрымку.

Падаць заяўку можна тут

Пытанні можна дасылаць па адрасе: info@belaruskidom.eu

Дэдлайн – 3 чэрвеня 2019 г. да 12:00

Усе кандыдаты атрымаюць інфармацыю аб выніках набору на адукацыйны візіт да 7 чэрвеня.