Акадэмія рэгіянальнага развіцця для лідараў

Нефармальных адукатараў, актывістаў, праектных менеджераў запрашаюць на Акадэмію рэгіянальнага развіцця.

Дзе: Беларусь.
Калі: красавік — ліпень 2018 года.

Праграма складаецца трох розных курсаў:

  • Акадэмія Адукатараў;
  • Акадэмія Першых;
  • Мэдыя Акадэмія.

Акадэмія Адукатараў

Курс адрасаваны тым, хто займаецца альбо плануе займацца адукацыйнымі праграмамі для жыхароў розных узростаў у сваёй мясцовасці.
Курс складаецца з двух трэнінгаў — 13-15 красавіка і 8-10 чэрвеня — і выканання дыстанцыйных заданняў у перапынку паміж імі.

Удзельнікі пазнаёмяцца з рознымі падыходамі да планавання дызайну адукацыйных праграм, вызначэння іх мэтаў і задач з улікам патрэбаў мэтавых груп, структуравання зместу, а таксама з рознымі інтэрактыўнымі метадамі навучання і спосабамі ацэнкі эфектыўнасці навучання. Таксама ўдзельнікі распрацуюць уласныя адукацыйныя праграмы, якія будуць сфакусаваныя на пытаннях рэгіянальнага развіцця, развіцця мясцовых ініцыятываў, паляпшэння якасці жыцця жыхароў рэгіёну.

Акадэмія Першых

Да ўдзелу ў гэтым курсе запрашаюць найперш лідараў мясцовых грамадскіх арганізацый і ініцыятыў. Курс таксама складаецца з двух трэнінгаў — 27-29 красавіка і 20 чэрвеня — 2 ліпеня — і выканання дыстанцыйных заданняў у перапынку паміж імі.

Удзельнікі паглыбяць свае веды і ўменні, звязаныя з кіраваннем арганізацыяй (кіраванне камандай, стратэгічнае кіраванне, асновы маркетынга і сувязяў з грамадскасцю і гд), а таксама з кіраваннем праектамі, накіраванымі на рэгіянальнае развіццё і паляпшэнне якасці жыцця насельніцтва свайго рэгіёна.

Медыя Акадэмія

Удзельнікамі гэтага курса (11-13 траўня) стануць рэдактары і журналісты мясцовых сайтаў і блогаў, якія пішуць пра жыццё свайго рэгіёну. Курс будзе сфакусаваны на такіх пытаннях, як вызначэнне стратэгіі развіцця медыя, планаванне цікавага для мясцовай аўдыторыі кантэнта, яго «упакоўка» і распаўсюджанне з дапамогай розных медыяплатформ, усталяванне зваротнай сувязі са сваёй аўдыторыяй.

Удзельнікі курса распрацуюць таксама канцэпцыі спецпраектаў і медыякампаній, накіраваных на інфармаванне жыхароў рэгіёна пра важныя для іх пытанні.

Дэдлайн падачы заяўкі на кожны з курсаў — 31 сакавіка 2018 года.

Лепшых выпускнікоў Акадэміі рэгіянальнага развіцця, прадстаўнікоў уплывовых грамадскіх і міжнародных арганізацый, журналістаў запросяць на  Форум інавацыйных ідэй на карысць рэгіянальнага развіцця, які адбудзецца 19-20 кастрычніка.

Больш падрабязнасцей па спасылцы.