БДУ, час абменьвацца!

БДУ пачынае прыём заявак на ўдзел у праграме абменаў Erasmus+ на зімні семестр 2016-2017 навучальнага года.

Erasmus+ — гэта праграма Еўразвязу, накіраваная на развіццё акадэмічнай мабільнасці студэнтаў, магістрантаў, аспірантаў і прафесарска-выкладчыцкага складу. Абмен студэнтамі і выкладчыкамі адбываецца дзякуючы двухбаковым пагадненням паміх БДУ і вышэйшымі навучальнымі ўстановамі краін ЕЗ.

Павучыцца/пастажыравацца за мяжой у зімовым семестры ёсць магчымасць у 5 студэнтаў, 2 аспірантаў і 7 супрацоўнікаў БДУ.

Тэрміны конкурсу:

  • падача заявак: 18 лютага — 8 сакавіка;
  • разгляд заяўкі камісіяй: 9 сакавіка — 17 сакавіка;
  • абвяшчэнне вынікаў: 19 сакавіка.

Агульныя ўмовы праграмы

Студэнты і аспіранты змогуць правесці 1-2 семестры ў адным з універсітэтаў ЕЗ. Яны будуць атрымліваць штомесяцовую стыпендыю ў памеры 750-850 еўра ў залежнасці ад краіны.

Супрацоўнікі БДУ, якія пройдуць конкурсны адбор, будуць накіраваныя на стажыроўку альбо выкладанне на тэрмін ад 5 дзён да 2 месяцаў. Фінансавая падтрымка — 100-160 еўра на дзень у залежнасці ад краіны.

Правілы і ўмовы падачы заявак для студэнтаў і аспірантаў можна знайсці па спасылцы.

Умовы падачы заяўкі для супрацоўнікаў БДУ знаходзяцца тут.

Дэдлайн — 8 сакавіка 2016 года.

Падрабязнасці — па спасылцы.

 

 

Глядзіце таксама: