Цэнтр новых ідэй абвяшчае набор на Belarus Urban Fellowship-2019. Urban Fellowship – стыпендыя для лідарак і лідараў, якія займаюцца развіццём сваіх рэгіёнаў і гарадоў, мэта якой – пашырыць кампетэнцыі ўдзельнікаў і паспрыяць новай хвалі грамадскай актыўнасці.
Мерапрыемствы:
- тры трохдзённыя навучальныя сесіі ў жніўні, верасні і кастрычніку, прысвечаныя развіццю PR-навыкаў, паглыбленню экспертызы ў рэгіянальным/гарадскім развіцці і інш.;
- удзел у распрацоўцы новай версіі Рэйтынгу беларускіх гарадоў (жнівень-верасень) і арганізацыя прэзентацыі Рэйтынгу ў сваім горадзе (кастрычнік);
- навучальны візіт у Берлін, у межах якога ўдзельнікі пазнаёмяцца з прадстаўнікамі выбітных урбаністычных арганізацый, культурных пляцовак, аналітычных цэнтраў і НДА Германіі (лістапад);
- асабістая праграма – праца над уласнымі праектамі пры падтрымцы каманды Цэнтра новых ідэй.
Каго шукаюць:
- прадстаўнікоў арганізацый грамадзянскай супольнасці, бізнесу, акадэмічнай сферы, медыяў і дзяржаўных органаў;
- узрост – да 30 гадоў;
- сталае пражыанне ў Беларусі (пражыванне па-за Мінскам будзе перавагай).
Умовы:
Цэнтр новых ідэй пакрывае кошты ўдзелу ў праграме.
Як падацца:
- даслаць рэзюмэ, у якім узгадваюцца дасягненні кандыдата
- даслаць матывацыйны ліст.
Заяўкі прымаюцца на адрас belarusurbanfellowship@gmail.com да 15 чэрвеня.
Больш інфармацыі пра Belarus Urban Fellowship-2019 – тут.