• 25.02.2016
• Іншае

Чэская няўрадавая арганізацыя «Грамадзянская Беларусь» абвяшчае чарговы конкурс на доўгатэрміновую трэнерскую падтрымку ініцыятыў-пачаткоўцаў.

Арганізацыя прапануе досвед ды практыку лепшых няўрадавых арганізацыяў Чэхіі, Беларусі і краінаў Цэнтральнай Еўропы. Праграма не мае на мэце выключна фінансавую падтрымку лакальных ініцыятываў, прыярытэтным з’яўляецца прафесійны рост і паляпшэнне якасці іх дзейнасці.

Да ўдзелу запрашаюцца маладыя і пачынаючыя групы ды ініцыятывы.

Праграма падтрымкі ўключае:

• дыягностыку — вызначэнне моцных і слабых бакоў групы/ініцыятывы (як пераадолець слабыя моманты ў працы і якім чынам больш эфектыўна выкарыстоўваць моцныя);
• індывідуальны план — кожная група распрацуе з дапамогай трэнераў індывідуальны план працы/развіцця на пэўны пэрыяд. Такі план можа ўключаць серыю адукацыйных мерапрыемстваў, неабходных для развіцця ініцыятывы і павышэння яе эфектыўнай дзейнасці;
• рэалізацыю міні-праектаў;
• стажыроўкі ў Чэхіі — для найбольш актыўных і паспяховых удзельнікаў праекту магчыма наведванне Чэхіі для сустрэчаў і знаёмства з чэскімі калегамі, лакальнымі ініцыятывамі і іх досведам працы.

Да ўдзелу ў праграме не дапускаюцца спартыўныя аб’яднанні, актыўныя палітыкі, людзі ці групы, галоўнай задачай якіх з’яўляецца распаўсюджваньне рэлігіі, удзельнікі падобных праграмаў, якія рэалізуюцца паралельна з праграмай падтрымкі ці ўжо маюць фінансаванне сваіх праектаў. У абгрунтаваных выпадках могуць быць зробленыя выключэнні.

Каб прыняць удзел, неабходна даслаць на е-адрас info@civicbelarus.eu назву ініцыятывы, рэгіён, электронны адрас, тэлефон.

Дэдлайн — 7 сакавіка 2016 г.