Беларускі Калегіюм – першая ў незалежнай Беларусі платформа нефармальнай адукацыі – аб’яўляе набор па чатырох спецыялізацыях на 2016/2017 навучальны год.
БК прапануе навучанне па чатырох спецыялізацыях:
- Найноўшая гісторыя;
- Філасофія і літаратура;
- Еўрапейская палітыка, грамадства, культура;
- Журналістыка: пачатковы курс.
Выкладчыкі БК – вядомыя ў Беларусі і свеце інтэлектуалы, навукоўцы, пісьменнікі, журналісты, іх курсы базуюцца на апошніх навуковых даследаваннях, сучасных методыках і практыках.
Патрабаванні да кандыдатаў:
Да ўдзелу ў конкурсе запрашаюцца студэнты старэйшых курсаў або асобы з вышэйшай адукацыяй. У асобных выпадках прымаюцца студэнты малодшых курсаў.
Навучальныя праграмы БК арыентаваныя на выкладанне найноўшых фрагментаў сучаснай веды і тэхнік інтэлектуальнай працы, яны не дублююць існуючыя праграмы дзяржаўных і недзяржаўных унівэрсітэтаў.
Сертыфікат БК не замяняе дыплом аб вышэйшай адукацыі, аднак навучанне ў Калегіюме дае ўнікальныя веды і навыкі, якія значна пашыраюць інтэлектуальныя і прафесійныя гарызонты.
Фінансавыя ўмовы
Навучаньне ў БК – бясплатнае.
Як падацца:
Прыём на навучанне ажыццяўляецца па выніках сумоўя. Для запрашэння на сумоўе трэба запоўніць анкету. Для паступлення на аддзяленне “Філасофія і літаратура” таксама патрабуюцца ўласныя тэксты, на аддзяленне “Найноўшая гісторыя” – матывацыйны ліст. Іх трэба адпраўляць на info@belcollegium.org.
Пачатак заняткаў – з канца кастрычніка 2016 г.
Дэдлайн падачы заяўкі – 17 кастрычніка уключна.
Адказы на асноўныя пытанні, звязаныя з паступленнем і навучаннем, можна паглядзець тут.
Дадатковую інфармацыю шукайце праз info@belcollegium.org ці на старонцы ў facebook.