Без мовы варожасці: трэнінг для медыяў

Ініцыятыўная група «Ідэнтычнасць і правы» сумесна з «Human Constanta» ладзяць трэнінг «Медыя без нянавісці», на які запрашаюць журналістаў, а таксама ўсіх датычных да сферы медыяў.

Калі: 28-29 кастрычніка 2017 года.
Дзе: Мінску.

На двухдзённым трэнінгу ўдзельнікі атрымаюць базавыя веды аб тым, што такое мова варожасці, навучацца працаваць без ужывання некарэктных словаў, а таксама даведаюцца пра канкрэтныя наступствы распальвання варожасці.

Адметнасць трэнінгу ў тым, што заняткі будуць праводзіць не толькі эксперты і эксперткі ў галіне журналістыкі, але і тыя, хто займаецца даследаваннем медыя і праваабарончай дзейнасцю. Гэта дазволіць разгледзець праблему мовы варожасці ў Беларусі з розных перспектыў і адказаць на пытанні аб журналісцкай этыцы на практыцы.

Заняткі будуць весці:

  • праваабаронцы Наталля Манькоўская («Ідэнтычнасць і права», працуе з ЛГБТ);
  • Наталля Кутузава («Roma integration», працуе з рома);
  • праваабаронца Валдзіс Фугаш («Human Constanta», працуе з мігрантамі);
  • даследчыца мовы варожасці Саша Ігнатовіч;
  • даследчык Антон Барысенка.

Таксама будзе прадстаўлены досвед новых медыяў Беларусі: майстар-класы па працы без мовы варожасці правядуць рэдактаркі 34mag і MAKEOUT, рэдактар Citydog.

Каб стаць удзельнікам/удзельніцай, неабходна да 22 кастрычніка запоўніць анкету па спасылцы. 24 кастрычніка будзе завершаны адбор заявак, ўдзельнікі і ўдзельніцы атрымаюць лісты з дадатковай інфармацыяй.

Іншагароднім кампенсуюцца выдаткі на праезд, прадастаўляецца жытло і харчаванне.

Па усіх пытаннях пішыце на е-адрас office@identitylaw.org.

Глядзіце таксама: