“Fashion Challenge” у Берліне для маладых інаватараў/к

З 3 па 28 чэрвеня міжнароднае аб’яднанне “The DO School” ладзіць праграму “The Connected Fashion Challenge”. The Connected Fashion Challenge – гэта інтэнсіўная чатырохтыднёвая праграма, падчас якой 20 таленавітых наватараў з разнастайным досведам створаць калекцыю адзення. Мэта праграмы – аб’яднаць намаганні таленавітых людзей з розных краін і з розным сацыяльным і прафесійным досведам, каб сумесна стварыць модны прадукт новага  тыпу.

Каго чакаюць:

Да ўдзелу запрашаюць кандыдатаў, якія прадэманстравалі наватарскія і творчыя падходы ў такіх галінах, як мода, IT-тэхналогіі, маркетынг, сацыяльныя медыя, псіхалогія, дызайн, інавацыі, прадпрымальніцтва і інш. Важна: гэта не вычарпальны спіс.

Патрабаванне: добрае валоданне ангельскай мовай.

Умовы:

Удзельнікі атрымаюць поўную стыпендыю, якая пакрывае кошт навучання, выдаткі на дарогу і пражыванне ў Берліне на працягу ўсяго тэрміну праграмы. Праграма даступная для людзей з асаблівымі патрэбамі.

Як падацца:

Даслаць кароткае (1 хв.) відэа з аповедам пра сябе і сваю матывацыю да ўдзелу, а таксама пісьмо, у якім вы падцвердзіце асноўныя думкі відэа і адкажаце на пытанні ад арганізатараў. Падрабязней пра ўмовы падачы заяўкі чытайце тут.

Дэдлайн: 24 сакавіка 2019 года.

Больш інфармацыі пра “The Connected Fashion Challenge” – тут.