Культ. цэнтр КОРПУС, Беларускі нацыянальны моладзевы савет «РАДА» і Radio Plato запускаюць праект экстраннай дапамогі для сацыякультурных арганізацый.
CO-vision — гэта афлайн-пляцоўка і каманда тэхнічна падкаваных спецыяліста_к шырокага профілю, якія дапамогуць вам у цяжкай эпідэміялагічнай сітуацыі зрабіць якасны аўдыё або відэакантэнт.
Вымушаная адмова ад правядзення публічных мерапрыемстваў для многіх выглядае як выклік. Не ва ўсіх ёсць магчымасць хутка і прэзентабельна перайсці ў анлайн, не губляючы якасць выніку. Страх перад будучыняй расце, многія звыклыя опцыі больш недаступныя. Знаходзячыся ў такой жа сітуацыі, каманда праекта больш не можа назіраць за тым, што адбываецца. Час перайсці да справы.
Хто можа звярнуцца ў праект за дапамогай:
- актывіст_кі;
- грамадскія, сацыяльныя, культурныя арганізацыі і ініцыятывы;
- эксперт_кі і кансультант_кі вузкіх абласцей;
- independent, social artists;
- усе, хто сышоў у анлайн і мае патрэбу ў якасным кантэнце, які замяняе публічнае мерапрыемства.
Як гэта працуе:
- запаўняецца анлайн-заяўка
- на працягу трох дзён з моманту адпраўкі заяўкі каманда праекта выходзіць на кансультацыйную сувязь (для выбару фармату працы і абмеркавання дэталей);
- на стэрыльнай пляцоўцы, у масках-пальчатках і на бяспечнай дыстанцыі ствараецца аўдыё ці відэакантэнт;
- у выпадку немагчымасці / небяспечнасці фізічнай прысутнасці на пляцоўцы неабходнае для стварэння кантэнту абсталяванне бескантактава дастаўляецца ў ваш дом з выразнымі інструкцыямі па выкарыстанні;
- кантэнт сыходзіць у мантаж;
- гатовы прадукт аддаецца ў карыстанне, далей — ваш ход.
Паслуга прадастаўляецца бясплатна і, паколькі ёсць абмежаванні канкрэтнымі тэхнічнымі магчымасцямі, каманда праекта пакідае за сабой права выбару фармату і адбору заяўні_ц.
Асноўныя крытэрыі адбору: актуальнасць тэмы кантэнту, тэрміновасць стварэння кантэнту для вырашэння вашых бягучых праектных задач.
Каманда праекта бярэ на сябе абавязацельства забяспечыць бяспечнае знаходжанне на працоўнай пляцоўцы, уключаючы выдачу масак, пальчатак і антысептыку.
CO-vision будзе працаваць з 1 траўня па 30 чэрвеня. У рамках праекта каманда запланавала і выпуск уласнага кантэнту. Сачыць за навінамі CO-vision можна па спасылцы на мерапрыемства ў Facebook і Vkontakte.
Дадатковая інфармацыя і супрацоўніцтва: cultkorpus@gmail.com або info@rada.fm