Community Connections – 2019 запрашае на абмен у ЗША

Агенцтва ЗША па міжнародным развіцці (USAID) распачынае адбор кандыдатаў для ўдзелу ў праграме прафесійна-культурнага абмену Community Connections. Праграма прапаноўвае трохтыднёвыя візіты, падчас якіх удзельнікі атрымаюць новыя веды пра культуру ЗША, наведаюць амерыканскія арганізацыі, пазнаёмяцца з экспертамі у абранай галіне, возьмуць удзел у валанцёрскай дзейнасці і інш.

Да ўдзелу запрашаюць прадпрымальнікаў, грамадскіх актывістаў і прадстаўнікоў дзяржаўных устаноў.

Тэмы абмену на 2019 год:

  • Гарадскі актывізм і ініцыятывы;
  • Падтрымка і прасоўванне грамадскага актывізму з дапамогай медыя і інфармацыйна-камунікацыйных тэхналогій;
  • Развіццё прадпрымальніцкіх ініцыятыў у сельскай мясцовасці і малых гарадах;
  • Сацыяльная адказнасць бізнэсу: супрацоўніцтва бізнэсу і грамадскіх арганізацый;
  • Жанчыны ў прадпрымальніцтве.

Падрабязнае апісанне тэм і графік паездак можна знайсці тут.

Умовы:

Веданне ангельскай мовы неабавязковае. Усе выдаткі нясуць арганізатары.

Узоры заявак і рэкамендацыі для кандыдатаў можна знайсці тут.