Даследаваць шлях да дэмакратыі: стыпендыі ад NED

Нацыянальны фонд падтрымкі дэмакратыі (NED) прымае заяўкі на ўдзел у стыпендыяльнай праграме Рэйгана-Фасэла – міжнароднай праграме абмену, якая дае магчымасць грамадзянскім актывістам, навукоўцам і журналістам з розных краінаў правесці пяць месяцаў у Нацыянальным фондзе падтрымкі дэмакратыі (NED) для выканання незалежных даследаванняў праблемаў у галіне дэмакратыі ў самых розных рэгіёнах свету.

Калі: сакавік — ліпень 2018 года.
Дзе: Вашынгтон, ЗША.

За час праграмы ўдзельнікі і ўдзельніцы змогуць прааналізаваць свой досвед, падзяліцца ім са сваімі калегамі, правесці даследаванні і падрыхтаваць публікацыі, вывучыць і пераняць лепшае з досведу іншых, а таксама ўсталяваць і развіць прафесійныя ўзаемаадносіны ў сетцы грамадзянскіх актывістаў ва ўсім свеце.

Да ўдзелу ў праграме запрашаюцца прафесіяналы ў галіне дэмакратыі і правоў чалавека, выкладчыкі/цы каледжаў і ўніверсітэтаў, даследчыкі/цы, журналісты/кі, пісменнікі/цы. Падаць заяўку на ўдзел у праграме можа грамадзянін ці грамадзянка любой краіны.

Практычнае веданне ангельскай мовы з’яўляецца неабходнай умовай для ўдзелу. Стыпендыяты/кі мусяць засяродзіцца на даследаванні палітычнага, сацыяльнага, эканамічнага, юрыдычнага ці культурніцкага аспекту дэмакратычнага развіцця.

Фінансавыя ўмовы

Удзельнікам праграмы прадастаўляецца штомесячная стыпендыя, медыцынская страхоўка і кампенсацыя выдаткаў на авіябілеты ў абодва бакі.

Каб паўдзельнічаць у конкурсе на стыпендыю, неабходна да 15 кастрычніка 20167года падаць заяўку.

Падрабязную інфармацыю пра праграму глядзіце па спасылцы.

Глядзіце таксама: