Усе ахвотныя зрабіць свой горад, свой асяродак лепей і цікавей запрашаюцца на чарговую сустрэчу з цыклу “Добрыя справы”.
Калі: 12 лютага, пачатак – 12:00.
Дзе: Брэст, вул. Маякоўскага 46-1.
На “Добрыя справы” запрашаюць усіх, хто цікавіцца гарадскімі ініцыятывамі і хоча пазнаёміцца і пагутарыць з экспертамі ды аднадумцамі.
Хто: сутрэчу правядзе Ганна Барадзіна, каардынатарка ініцыятывы Адукацыя.Інфо, ЕВС-каардынатарка ў ГА “Цэнтр “Трэці сектар”, дасведчаны валанцёр розных праектаў. Яна раскажа, як стварыць “працоўную” каманду і заматываваць яе.
Пасля адукацыйнай часткі ўдзельнікі сустрэчы змогуць пазмагацца за бюджэт у 200 BYN для рэалізацыі сваіх ініцыятыўных ідэй. Абмежаванняў па тэмах няма: гэта могуць быць грамадскія, экалагічныя, арт-праекты і любыя іншыя, якія можна ажыццявіць у Брэсцкай вобласці.
Сустрэча праводзіцца ў рамках праекта «Будзь валанцёрам» і стаў працягам «Школы валанцёраў», «Біржы ідэй» і «Кірмашу валанцёрства», арганізаваных АРР «Дзедзіч».
Уваход вольны, але патрабуецца папярэдне зарэгістравацца па спасылцы.