Міжнародны кансорцыюм “ЕўраБеларусь” запрашае актывістаў і лідараў беларускіх недзяржаўных грамадскіх арганізацый, ініцыятываў і праектаў прыняць удзел у адмысловым семінары.
Тэма – “Адвакацыя і уплыў на прыняцце рашэнняў у дзейнасці грамадскіх актараў: у пошуках выніковасці”.
Семінар адбудзецца 4-5 снежня ў Мінску.
Аспекты, якія плануецца закрануць у межах семінара:
- сацыяльны капітал арганізацыі – разуменне і магчымасці росту;
- адвакацыя як тэхналогія прасоўвання грамадскіх інтарэсаў;
- сродкі і абмежаванні адвакацыйнай грамадскай дзейнасці ва ўмовах Беларусі;
- што, як і навошта дасягаць грамадскім актарам ва ўплыве на сектарныя палітыкі (сацыяльная, адукацыйная, экалагічная і інш.);
- інфармацыйная прастора як патэнцыял пашырэння магчымасцей уплыву і выхаду на шырокія мэтавыя групы.
Удзельнікі сустрэнуцца з экспертамі і падыскутуюць з вядомымі прадстаўнікамі грамадскага сектару Беларусі, разгледзяць канкрэтныя прыклады адвакацыйнай і полісі-арыентаванай дзейнасці, выпрацуюць перспектыўныя планы па ўдасканаленні ўласных арганізацый грамадзянскай супольнасці.
Каб далучыцца да каманды ўдзельнікаў, неабходна запоўніць анкету-заяўку. Колькасць месцаў абмежаваная.
Фінансавыя ўмовы
Арганізатары забяспечваюць асноўныя выдаткі на правядзенне мерапрыемства (пражыванне, харчаванне, праезд).
Дэдлайн – 25 лістапада 2015 г.
З усімі пытаннямі можна звяртацца на адрас eurobelarusNGO@gmail.com.