• 29.11.2016
• Гранты

Арганізацыя World Nomads прымае заяўкі ад фатографаў-пачаткоўцаў на атрыманне гранту на вандроўку ў Японію.

Пераможца конкурсу атрымае магчымасць цягам 10 дзён рабіць фотаздымкі пад кіраўніцтвам дасведчанага фатографа Рычарда Л’Энсана і наведаць месцы культурнай спадчыны Японіі.

Пачатак вандроўкі – 10 лютага 2017 года. Пераможца конкурсу атрымае экіпіроўку для вандровак кампаніі Kathmandu на суму 750 даляраў ЗША.

Патрабаванні да кандыдатаў:

• добра валодаць ангельскай мовай;
• прадаставіць серыю сваіх фотаздымкаў;
• напісаць эсэ і патлумачыць у ім, чаму менавіта вы павінны быць абраныя для вандроўкі.

Фінансавыя ўмовы

Арганізатары забяспечваюць пералёт, пражыванне і медыцынскае страхаванне ўдзельніка.

Дэдлайн – 14 снежня 2016 года.

Падрабязную інфармацыю глядзіце па спасылцы.

Паводле ngo.by