• 18.02.2019
• Іншае

Пражскі грамадзянскі цэнтр прымае заяўкі на штогадовую платформу Unlock, прысвечаную тэме інавацый у грамадзянскім сектары і пытанням прымянення новых тэхналогій для пашырэння магчымасцяў грамадзянскай супольнасці ва Усходняй Еўропе і Цэнтральнай Азіі.

Калі: 30-31 траўня 2019 года.
Дзе: Прага, Чэхія.

Unlock збярэ лідараў і лідарак у галіне Big Data, віртуальнай рэальнасці, гейміфікацыі, сувязяў з грамадскасцю, дызайну, медыя і бізнесу.

Кожная сесія платформы будзе накіравана на вывучэнне і дэманстрацыю таго, як той ці іншы метад можа выкарыстоўвацца ў працы грамадзянскай супольнасці краін Усходняй Еўропы і Цэнтральнай Азіі. Заяўкі прымаюцца ад актывістаў і актывістак, прадстаўнікоў і прадстаўніц грамадскіх арганізацый і ініцыятыў.

Фінансавыя ўмовы

Пражскі грамадзянскі цэнтр можа выдзеліць 10 поўных грантаў на аплату дарогі і пражывання і частковых – на аплату праезду.

Падаць заяўку можна тут.

Дэдлайн – 3 сакавіка 2019 года.

Паводле by.odb-office.eu