Задзіночанне Беларускіх Студэнтаў і Праваабарончы цэнтр Вясна абвяшчаюць конкурс сацыяльнай рэкламы на тэму “Акадэмічныя свабоды ў Беларусі”.
Арганізатары чакаюць на працы, якія могуць падняць актуальныя праблемы студэнцтва і/ці натхніць і матываваць універсітэты да змены да лепшага.
Журы не абмяжоўвае крэатыў удзельнікаў і ўдзельніц: мемы, вірусныя ролікі, стрытарт – вітаецца ўсё!
Намінацыі:
- Візуальная рэклама для размяшчэння ў метро (ад 1 да 1.5 м у вышыню і ад 1 да 2 м у даўжыню). Прызавы фонд: 150 BYN
- Відэаролік. Прызавы фонд: 300 BYN
- Друкаваная прадукцыя (брашуры, закладкі, каляндарыкі, паштоўкі і г.д.). Прызавы фонд: 100 BYN
- Малюнак для сацыяльных сетак. Прызавы фонд: 100 BYN
Усе работы неабходна дасылаць у фарматах .pdf або .png на пошту academicfreedomsby@gmail.com.
Журы створыць шорт-ліст работ, а пасля анансуе галасаванне глядацкіх сімпатый. Анлайн-галасаванне будзе адбывацца ў суполцы (хэштэг #AcademicFreedomsBY).
Усе ўдзельнікі і ўдзельніцы, патрапіўшыя ў шорт-ліст, атрымаюць падарункі ад партнёрскіх арганізацый.
Дэдлайн падачы заяўкі – 25 кастрычніка, 23:59.
Больш падрабязнасцей па спасылцы.