• 11.08.2017
• Конкурсы

Заснавальнікі праектаў запрашаюцца прыняць удзел у конкурсе тэхналагічных і бізнес-праектаў “Дзень Інвестара”.

Удзельнікі змогуць сустрэцца з больш чым дзесяццю актыўнымі інвестарамі, атрымаць падтрымку і кансультацыі галіновых экспертаў і пазмагацца за прызавы фонд у памеры 12000 рублёў.

Каму будзе цікава

Арганізатары запрашаюць да ўдзелу заснавальнікаў бізнес-праектаў, пры ўмове, што праект выйшаў на стадыю pre-seed і вышэй.

Дэдлайн падачы заяўкі – 23 жніўня.

Адабраныя ўдзельнікі змогуць прэзентаваць свае праекты камандзе экспертаў 26 жніўня. Тым, каго выберуць эксперты, трэба будзе прайсці бізнес-навучанне і падрыхтавацца да сустрэчы з інвестарамі 8 верасня.

Удзел у конкурсе бясплатны.

Мерапрыемства праводзіцца ГА “Таварыства садзейнічання інавацыйнаму бізнэсу”, у рамках праекта «Стварэнне ўстойлівай інфраструктуры для падтрымкі развіцця стартапоау і малога бізнесу ў рэгіёнах Беларусі», які рэалізуецца пры падтрымцы Агенцтва ЗША па міжнародным развіцці (USAID). Генеральны партнёр – “Белгазпрамбанк”.