Лекцыя пра дэмадэрнізацыю

Лекцыя, на жаль, адмяняецца з-за хваробы лектара. Але не смуткуйце:)

20 лістапада праект «Еўрапейскае кафэ – адкрытая прастора Еўропы» запрашае на лекцыю Міхаіла Мінакова «Постсавецкая дэмадэрнізацыя: ці ёсць шанец выбрацца з «каляіны»?»

Пачатак а 18.30. Лакацыя — бізнэс-клуб IMAGURU.

На прасторы былога СССР зразумелы і прадказальны свет індустрыяльнага мадэрну змяніўся часам тэрору непрадказальнай гісторыі. Спачатку невыразнасць будучага была жаданай. Яе можна было напаўняць і дарослымі планамі, і інфантыльнымі фантазіямі. Яна адкрывала магчымасці для самых дзёрзкіх палітычных праектаў.

Аднак рэальнасць унесла карэктывы ў суб’ектыўныя чаканні. На месца свабоды прадпрымальніцтва заступіла алігархія, палітычная свабода змянілася аўтарытарызмам, а духоўныя пошукі — дакучлівым клерыкалізмам. Мары пра мадэрнізацыю пачатку 1990-х дзіўным чынам прывялі да свету 2010-х, які імкліва дэмадэрнізуецца.

  • Да чаго ўсё ідзе ва Усходняй Еўропе?
  • Ці ёсць шанец на сацыяльную мадэрнізацыю ў Беларусі, Расіі і Ўкраіне?
  • Ці можна вырвацца з «гістарычнай каляіны»?
  • Якая роля Беларусі на постсавецкай прасторы?

Пра лектара

Міхаіл Мінакоў — палітычны філосаф і выкладчык Нацыянальнага ўніверсітэта «Кіева-Магілянская акадэмія». Аўтар трох кніг і больш як 70 артыкулаў па тэорыі пазнання, філасофіі культуры і палітыкі, сацыяльнай філасофіі і гісторыі ідэй. Міхаіл Мінакоў узначальвае Інстытут крытыкі і часопіс «Ідэалогія і палітыка». Выкладаў і працаваў на даследчых праектах у Гарвардскім універсітэце, Інстытуце Кенана, Грайфсвальдскім універсітэце і Калегіуме Крупа. Больш пра Міхаіла Мінакова можна прачытаць на яго сайце minakovphilosophy.com.

Уваход вольны.

 

 

Глядзіце таксама: