• 19.06.2020
• Летнікі

Беларускі Дом у Варшаве сумесна з Цэнтрам Гарадскіх Ініцыятываў аб’яўляе набор на Акадэмію Рэгіянальных Лідэраў, якая адбудзецца у ліпені-жніўні 2020.

Акадэмія будзе складацца з трох адукацыйных сесій на розныя тэмы ў розных рэгіёнах Беларусі.

Галоўныя мэты акадэміі:

• развіццё кампетэнцый, накіраваных на эфектыўнае планаванне і рэалізацыю праектаў лакальных актывістаў, натхняльныя прыклады паспяховага актывізму і лепшай камунікацыі паміж актывістамі і ініцыятывамі;
• развіццё кампетэнцый, накіраваных на павышэнне якасці ўзаемадзеяння актывістаў з іх мэтавымі групамі;
• развіццё кампетэнцый, арыентаваных на PR-праекты і сацыяльна значныя ініцыятывы; пабудова механізмаў узаемадзеяння з мясцовымі органамі ўлады.

У праграме:

• прэзентацыя паспяховых ініцыятываў і праектаў у Беларусі
• уводзіны ў планванне і кіраванне праектамі
• пошук ідэй для рэалізацыі праектаў у рэгіёнах
• камунікацыя з партнёрамі, пошук і прыцягненне мясцовых рэсурсаў
• сацыяльныя сеткі, месенджары і СМІ
• Інструменты вывучэння праблем і патрэбаў мэтавых груп
• дызайнерскае мысленне як новы падыход у планаванні праектаў
• распрацоўка ідэй і ініцыятыў, якія актывісты смогуць рэалізаваць у сваіх рэгіенах

Даты сесій:

• 10-12 ліпеня
• 18-19 ліпеня
• 25-26 ліпеня

Сесіі пройдуць у розных кутках Беларусі. Для таго каб быць адабраным у слухачы акадэміі, неабходна пацвердзіць свой удзел ва ўсіх 3 сесіях. 

Для таго каб стаць удзельнікам, неабходна запоўніць анлайн-анкету.

Дэдлай падачы заявак 29 чэрвеня да 12.00

Арганізатары звяжуцца толькі з адабранымі кандыдатамі 4 ліпеня.

Кантакты: info@belaruskidom.eu