Школа анлайн-актывізму абвяшчае новы набор! У снежні, студзені і лютым 2018-19 пры падтрымцы агранізацыі “Next Stop – New Life” у некалькіх гарадах Беларусі пройдуць двухдзённыя трэнінгі па выкарыстанні анлайн-інструментаў грамадскімі актывістамі для вырашэння мясцовых праблем.
Сёлета Школа анлайн-актывізму збірае 4 групы па 15 чалавекаў у 4 гарадах: Мінску (5-6.12.18), Оршы (22-23.12.18), Маладзечна (12-13.01.19) і Баранавічах (16-17.02.19).
Трэнерамі Школы анлайн-актывізму стануць Андрэй Стрыжак – праваабаронца, валанцёр, актывіст незалежнага прафсюза РЭП; Антон Матолька – гарадскі актывіст, блогер; Рамуальда Юхневіч – грамадзянская актывістка, спецыялістка ў галіне SMM, краудфандынга і камунікацый.
Цягам двух дзён удзельнікі і ўдзельніцы даведаюцца:
- як структураваць і апісаць сваю праблему;
- як эфектыўна камунікаваць з чыноўнікамі і бізнэсмэнамі;
- як сабраць каманду і сродкі для рэалізацыі праектаў;
- як прасоўваць праекты на інтэрнэт-пляцоўках.
Для каго:
На трэнінгі запрашаюцца ўсе, хто мае намер дабіцца зменаў у сваім горадзе шляхам анлайн-актывізму: адкрыць інклюзіўную школу, адрэстаўраваць парк, паставіць ліхтар ў цёмным двары і інш. Падчас кожнага з 4 заняткаў Школы аўтары 4 ідэяў атрымаюць экспертную і метадычную
падтрымку трэнераў для паспяховай рэалізацыі не пазней за люты 2019 года.
Умовы:
Удзел у мерапрыемствах Школы анлайн-актывізму БЯСПЛАТНЫ. Арганізатары забяспечваюць
харчаванне ўдзельнік/цаў, пакрываюць выдаткі на пражыванне і праезд (па ўзгадненні).
Як падацца:
Падаць заяўку на ўдзел можна па спасылцы. Дэдлайн заявак – 23 лістапада 2018 г., 23:59.
Вынікі адбору будуць вядомыя 25 лістапада 2018 г.
Падрабязней пра Школу анлайн-актывізму – тут.