(Не)канферэнцыя EdCamp Belarus чакае настаўнікаў і настаўніц

20.08.2019
Канферэнцыі

12-13 кастрычніка адбудзецца Трэцяя (не)канферэнцыя для школьных настаўнікаў EdCamp Belarus, якая збярэ звыш 200 удзельнікаў. Месца правядзення: Мінск, Imaguru.

EdCamp – гэта адзін з папулярных фарматаў канферэнцый у настаўніцкай супольнасці, упершыню апрабаваная ў 2010 г. ў ЗША. У 2017 г. Беларусь стала 26-ай краінай свету, на якую пашырылася эдкэмп-супольнасць. Эдкэмп як фармат дазваляе самім удзельнікам прапаноўваць і выбіраць тэмы. Арганізатары ладзяць шэраг дыскусій і майстар-класаў ад беларускіх і замежных экспертаў, але большасць зместу мерапрыемства прапануюць і вызначаюць самі ўдзельнікі, галасуючы за найбольш упадабаныя тэмы з прапанаваных калегамі.

Умовы:

Удзельнiкi EdCamp не плацяць зборы, самастойна вырашаюць ход мерапрыемства, i кожны з іх можа стаць выступоўцам. Фармат Эдкэмпа гарантуе, што кожная вартая iдэя будзе пачутая.

Як патрапіць:

Запоўніць анкету па спасылцы. Заяўкі прымаюцца да 22 верасня.

Больш інфармацыі пра EdCamp Belarus 2019 шукайце тут.