Немагчыма цікавая стажыроўка ў Бразіліі

Сацыяльны праект 4YOU2 шукае зацікаўленых кандыдатаў, якія жадаюць выкладаць ангельскую мову бразільскім навучэнцам.

Перыяд — люты-ліпень 2017 года. Лакацыя — Сан-Паўла, Бразілія.

Праект скіраваны на людзей, якія ведаюць ангельскую і могуць падзяліцца ёй, сваёй культурай са школьнікамі і студэнтамі з бедных раёнаў Сан-Паўла.

За чатыры гады ў праграме паўдзельнічала каля 200 настаўнікаў, якія выкладалі для 6000 навучэнцаў. Праект з’яўляецца сацыяльным, то бок вучні плоцяць каля 20 даляраў — ледзь не самы нізкі ўнёсак сярод усіх школ, дзе выкладаюць ангельскую.

У школе 4YOU2 важна не толькі выкладанне мовы, але і вывучэнне культуры, таму ўсе настаўнікі — замежнікі. Арганізатары школы мяркуюць, што камбінацыя ангельскай разам з насычаным культурным атачэннем дапаможа ў будучыні стварыць перспектыву для школьнікаў і студэнтаў Бразіліі.

Перад стартам праекту ўдзельнікі пройдуць 1-тыднёвы трэнінг, прысвечаны медатам і тэхнікам выкладання мовы. Напрыканцы праграмы ўсе настаўнікі атрымаюць сертыфікат.

Патрабаванні да кандыдатаў:

  • не з’ўяляцца грамадзянінам Бразіліі;
  • мець скончаную сярэднюю адукацыю;
  • выдатна валодаць ангельскай мовай;
  • мець магчымасць жыць у Бразіліі з лютага па ліпень 2017 года;
  • быць гатовым да выкладання мовы ў «складаных» раёнах Бразіліі.

Фінансавыя ўмовы

Удзел у праграме бясплатны. Кожны ўдзельнік будзе атрымоўваць невялікую стыпендыю на аплату асноўных выдаткаў у Бразіліі. Яму / ёй неабходна аплаціць авіяпералёт, візу, медыцынскае страхаванне і мець фінансы на асабістыя выдаткі (звыш асноўных). Усе ўдзельнікі будуць жыць у мясцовых сем’ях.

Як падацца

Падаць заяўку можна анлайн па спасылцы. Калі ёсць дадатковыя пытанні, іх можна накіроўваць на е-адрас change@4y2.org.

Дэдлайн — 3 снежня 2016 года.

 

Глядзіце таксама: