Праца пра адукацыю ў Амбасадзе ЗША

Амбасада Злучаных Штатаў у Беларусі шукае асістэнта па справах культуры, які будзе працаваць менеджарам па праграмах акадэмічных і прафесійных абменаў.

Спецыяліст будзе займацца прасоўваннем адукацыйных абменаў, замацоўваць кантакты і ўсталёўваць сувязі ў акадэмічных і прафесійных супольнасцях. Вітаюцца кандыдаты з адукацыяй у галіне грамадскіх і гуманітарных навук, а таксама досведам працы (мінімум 3 гады) ў беларускай недзяржаўнай арганізацыі, у прыватным сектары (праграмны менеджмент) або адукацыйнай сферы (менеджмент).

Патрабаванні да кандыдатаў:

  • як мінімум ступень бакалаўра ў сферы сацыяльных або гуманітарных навук;
  • досвед працы (мінімум 3 гады) у беларускай недзяржаўнай арганізацыі або прыватным сектары ў сферы праграмнага ці адукацыйнага менеджмэнту;
  • добрае валоданне ангельскай, рускай і беларускай мовамі;
  • выдатныя вусныя і пісьмовыя камунікацыйныя навыкі, арганізацыйныя навыкі, валоданне тэхнікамі ментарства, кансультацый і коўчынгу, стрэсаўстойлівасць.

Умовы працы – поўная занятасць.

Дэдлайн – 29 жніўня 2016 года. Форма падачы заяўкі для кандыдатаў і апісанне вакансіі – на гэтай старонцы.

Паводле odb-office.eu і  By.USembassy.gov.

Фота: Flickr.com, ліцэнзія CC BY-NC 2.0