Амбасада ЗША ў Беларусі абвяшчае набор на праграму Hubert Humphrey ў 2017-2018 акадэмічным годзе.
Калі: 2017-2018 навучальны год.
Дзе: ЗША.
Удзельнікі праграмы цягам 10 месяцаў будуць вучыцца і працаваць у адным з універсітэтаў ЗША (ўдзельнікі не могуць самі абіраць універсітэт). Яны аб’яднаюцца ў невялікія групы па 7-15 чалавек згодна з іх інтарэсамі і прафесійнымі навыкамі.
Праграма Hubert H. Humphrey дае магчымасць павучыцца ў ЗША без атрымання ступені, але атрымаць прафесійны досвед. Удзельнікі абіраюцца на аснове іх патэнцыялу ў лідарстве і дачынення да публічнага ці прыватнага сектару. Праграма садзейнічае абмену ведаў і разуменню пытанняў, якія датычацца ЗША і, прыватнасці, Беларусі.
Падчас праграмы стыпендыяты будуць наведваць курсы, канферэнцыі, удзельнічаць у практычных занятках. Праграма распрацавана для наступных дысцыплін:
Устойлівае развіццё
- Agricultural and rural development
- Economic development
- Finance and banking
- Natural resources, environmental policy, and climate change
- Urban and regional planning
Будаўніцтва дэмакратычных інстытутаў
- Communications/journalism
- Law and human rights
- Public policy analysis and public administration
- Trafficking in persons policy and prevention
- Technology policy and management
- Human resource management
Адукацыя
- Educational administration, planning and policy
- Higher education administration
- Teaching of English as a foreign language
Публічнае здароўе
- Public health policy and management
- HIV/AIDS policy and prevention
- Substance abuse education, treatment and prevention
Сёлета ў праграме возьмуць удзел 200 чалавек.
Патрабаванні да кандыдатаў:
- ступень бакалаўра ці эквівалент;
- мінімум 5 гадоў прафесійнага досведу;
- адсутнасць (ці мінімальная наяўнасць) досведу працы ў ЗША;
- лідарскія здольнасці;
- праца ў грамадскіх арганізацыях;
- валоданне ангельскай мовай.
Фінансавыя ўмовы
Арганізатары цалкам аплочваюць навучанне і курсы ангельскай мовы, калі яны неабходны, пражыванне і медыцынскае страхаванне, вучэбныя матэрыялы, міжнародны пералёт з дому ў ЗША і ў зваротны бок, экскурсіі, удзел у канферэнцыях і разнастайных адукацыйных мерапрыемствах.
Падаць заяўку можна анлайн.
Дэдлайн – 1 жніўня 2017 года.
Падрабязней аб праграме можна даведацца тут.