Праграма трансмежнай супрацы Tandem Europe

Tandem Europe –  праграма трансмежнай супрацы, скіраваная на сацыяльныя змены праз культурніцка-інавацыйныя актыўнасці.

Што такое Tandem Europe?

Удзельнікі праграмы Tandem Europe звычайна кіруюць больш-менш буйнымі культурнымі арганізацыямі (некамерцыйнымі або грамадскімі), працуюць у культурніцкіх аддзелах мясцовых адміністрацый або вядуць сацыяльна арыентаваныя творчыя прадпрыемствы. Удзельнікі падзяляюць моцны энтузіязм да творчых адкрыццяў і інавацый у Еўропе, грамдастве, культуры, мастацкіх дысцыплінах.
Празы Tandem’ы вы далучыцеся да супольнасці культурных інаватараў і стваральнікаў сацыяльных зменаў, глыбока займаюцца стварэннем і перайначваннем агульнай еўрапейскай будучыні.

Як гэта працуе?

Арганізатары запрашаюць да 32 заяўнікаў і іх калегаў на Tandem Europe Partner Forum у 2019 годзе, дзе яны знаходзяць новыя магчымасці нэтворкінгу і – самае галоўнае – сваіх патэнцыйных партнёраў для Tandem’у.

Разам са сваім новым партнёрам, яны падаюць поўную заяўку на праграму з ідэяй супрацы і першым скетчам партнёрства у Tandem’е, які яны ўяўляюць. Для асноўнай фазы праграмы выбіраюцца да 12 тандэмаў. Кожная новая тандэм-пара атрымлівае магчымасць размяшчэння ў партнёрскай арганізацыі за мяжой, тры сустрэчы па інавацыі, навучанні і нэтворкінгу, а таксама фінансавую і ментарскую падтрымку для прататыпа сваёй тандэм-ідэі.

Заяўка

Заяўку могуць падаваць некамерцыйныя арганізацыі, грамадскія інстытуты, ініцыятывы грамадзянскай супольнасці, інавацыйныя мясцовыя адміністрацыі, а таксама творчыя і сацыяльныя прадпрыемствы, якія займаюцца культурнай дзейнасцю ў сваіх супольнасцях і заснаваныя ў адной з дзяржаў Рады Еўропы (плюс Беларусь і Косава).

 

Заяўку можна падаць да 15 лістапада 2018 праз анлайн-форму.

Больш інфарамацыі па спасылцы: https://www.tandemforculture.org/stories/tandem-europe-3-open-call/