IBB Minsk запускае ініцыятыву па крэатыўнай пракачцы НДА і актывістаў – праект CREATIVE GOES SOCIAL.
Першы варшкоп ў фармаце «talks & drinks« 18 красавіка правядзе галоўрэд The Village Беларусь Жэня Сугак. Яна раскажа пра тое, як НДА, некамерцыйным ініцыятывам і грамадскім актывістам прабіцца з добрымі справамі ў СМІ і выйсці з ценю.
CREATIVE GOES SOCIAL – гэта ініцыятыва Мінскага міжнароднага адукацыйнага цэнтра ім. Ёханэса Рау (IBB Minsk). Галоўная мэта праекта – «навесці масты» паміж сацыяльнымі праектамі, індустрыяй рэкламы, крэатыўнымі агенцтвамі і медыя; дапамагчы актывістам атрымаць базавыя веды ў сферы рэкламных і PR камунікацый, пазнаёміцца з агенцтвамі, зацікаўленымі ў супрацоўніцтве з сацыяльнымі праектамі.
«Тры гады таму IBB Мінск упершыню правёў медыяхакатон IdeaLab, на якім звёў грамадскія ініцыятывы з медыя і крэатыўным супольнасцю. Як паказала практыка, НДА і актывісты часцяком не ведаюць, як правільна выбудаваць камунікацыйную стратэгію, стварыць якасную сацыяльную рэкламу і прасоўваць свае ідэі ў інтэрнэце і СМІ. У выніку добрыя справы застаюцца незаўважанымі і нерэалізаванымі. Праект CREATIVE GOES SOCIAL закліканы паўплываць на гэтую сітуацыю. Грамадскія актывісты, прадстаўнікі НДА сустрэнуцца з вядучымі піяршчыкамі, рэкламістамі, рэдактарамі і атрымаюць новыя веды і магчымасць паглядзець на сябе з боку », – кажа Зміцер Дабравольскі, менеджэр адукацыйных праграм IBB Мінск.
У 2019 годзе адбудзецца 8 воркшопаў CREATIVE GOES SOCIAL ад вядучых прафесіяналаў у галіне медыя, рэкламы і PR Беларусі. Адкрые серыю сустрэч галоўрэд беларускага The Village Жэня Сугак.
Сустрэча з галоўным рэдактарам The Village Беларусь пройдзе ў Мінскім міжнародным адукацыйным цэнтры імя. Ёханэса Рау 18 красавіка ў 18.00.
Гасцей чакае нефармальная атмасфера ў стылі «talks & drinks». На працягу ўсёй сустрэчы будзе працаваць бар, а ў канцы Жэня Сугак прадставіць свой фірмовы кактэйль і пачастуе ім бясплатна аўтараў лепшых пытанняў.
«Мы спадзяемся, што атмасфера варкшопаў будзе разняволенай і сяброўскай. Ніякіх фармальнасцяў і сумных лекцый. Толькі жывыя зносіны, працоўныя кейсы і займальныя гутаркі. Калі вы ўяўляеце НДА, з’яўляецеся сацыяльным актывістам, эколагам, працуеце над сацыяльным стартапам ці проста марыце змяніць свет да лепшага і запусціць крутую сацыяльную ініцыятыву, тады шчыра запрашаем на CREATIVE GOES SOCIAL.
А ў чэрвені мы сустрэнемся на чарговым сацыяльным медыяхакатоне IdeaLab», – адзначаюць у IBB Мінск.
Як НДА і грамадскім актывістам выйсці з медыйнай глушы? Як стаць бачнымі для СМІ са сваімі ініцыятывамі? Як фармуляваць тэму для медыя, каб вас заўважылі? Як напісаць прэс-рэліз і не патрапіць у вечны бан? Што такое сторытэлінг, і чаму важна распавядаць гісторыі? Аб гэтым і многім іншым гасцям пілотнай сустрэчы 18 красавіка раскажа галоўрэд The Village Беларусь Жэня Сугак.
Калі: 18 красавіка ў 18.00.
Дзе: Мінскі міжнародны адукацыйны цэнтр ім. Ёханэса Рау.
Як стаць удзельнікам: рэгіструйцеся на старонцы мерапрыемства ў Facebook.
Генеральны інфармацыйны партнёр – marketing.by.