Стаць праектным кансультантам з Талакой

Платформа для рэалізацыі сацыяльна значных праектаў Talaka.by абвяшчае набор на курс «Праектны кансультант».

Заняткі стартуюць 21 лістапада 2015 года.

Да ўдзелу запрашаюць усіх, хто жадае:

  • палепшыць уласную кваліфікацыю ў сферы праектнага мэнэджменту;
  • далучыцца да актуальнай і запатрабаванай рынкам прафесіі;
  • зрабіць свет лепшым — дапамагчы іншым планаваць праекты, а таксама працаваць са сваім уласным.

«Праектны кансультант» — гэта курс, распрацаваны Talaka.by і заснаваны на досведзе 190 праектаў, якія месцяцца на платформе. Больш за 40 з іх атрымалі паспяховую рэалізацыю.

Падчас курсу ўдзельнікі навучацца:

  • валодаць тэарэтычнай базай і паняткамі, неабходнымі для афармлення праекту;
  • правільна фармуляваць праблему, мэты і задачы;
  • самастойна распрацоўваць план рэалізацыі і вылучаць лагічныя фазы;
  • рыхтаваць выразнае і яркае апісанне праекту для яго прэзентацыі і прыцягнення аднадумцаў;
  • працаваць з платформай Talaka.by як эфектыўным інструментам для калектыўнай рэалізацыі праектаў.

Асноўны вучэбны модуль прадугледжвае 5 сустрэч па суботах (папярэдні графік). Навучанне складаецца з тэарэтычных заняткаў і выканання практычных заданняў, як групавых, так і індывідуальных. Найбольш актыўных ўдзельнікаў, якія паспяхова пройдуць курс, запросяць на практыку па кансультаванні праектаў на Talaka.by.

Як падацца

Падаць заяўку можна па спасылцы.

Фінансавыя ўмовы

Удзел у Школе бясплатны.

Дэдлайн — 16 лістапада.

 

Глядзіце таксама: