Стань супергероем, уратуй Бабруйск!

27 лютага Школа супергерояў — Крэатыўны горад запрашае на Дзень адчыненых дзявярэй. Прыходзьце, каб даведацца, як стаць супергероем у Бабруйску.

Прэзентацыя Школы адбудзецца з 13:00 да 15:00 у тайм-клубе «1387» (вуліца Савецкая, 97-2). Уваход вольны па папярэдняй рэгістрацыі.

Школа супергерояў — гэта магчымасць змяніць Бабруйск да лепшага, зрабіць яго крэатыўным і камфортным, яскравым ды ўтульным з дапамогай вашых ідэяў, суседзей і аднадумцаў.

Вы даведаецеся:

  • як стварыць гарадскі праект;
  • як зладзіць гарадскую падзею;
  • як працаваць з мясцовай супольнасцю;
  • якім чынам знайсці партнёраў для ініцыятывы.

Навучэнцы Школы атрымаюць магчымасць паслухаць лекцыі, сярод якіх «Івэнт-мэнэджмент», «Досвед развіцця гарадоў. Урбаністыка», «Як стварыць і рэалізаваць свой праект».

Як стаць слухачом і калі пройдзе навучанне?

Для пачатку варта прыйсці 27 лютага на імпрэзу, каб пазнаёміцца з арганізатарамі, выкладчыкамі і экспертамі Бабруйскай школы супергерояў, а таксама даведацца пра праграму навучання. Пасля з 27 лютага па 11 сакавіка вы зможаце падаць заяўку на ўдзел. Па выніках анкетавання выберуць 20 слухачоў Школы.

Навучанне будзе адбывацца ў Бабруйску з 15 сакавіка па 15 красавіка 2016 года. А з красавіка па чэрвень будзе рэалізавана тры лепшыя ідэі, якія з’явяцца ў супергерояў падчас навучання.

Фінансавыя ўмовы

Удзел у школе бясплатны.

Зарэгістравацца можна таксама і па тэлефоне +37529 7825115.

Кіраўніца праекту — Таццяна Пукала. З пытаннямі можна звяртацца да яе па тэлефоне +37529 1032733.

 

 

Глядзіце таксама: