• 09.12.2015
• Іншае

12-13 снежня ў гатэлі “Вікторыя Алімп” упершыню адбудзецца рэспубліканскі конкурс стартап- і бізнэс-праектаў “Стартап года – 2015“.

Мэта мерапрыемства – знайсці прастору для камерцыялізацыі прарыўных ідэй, усталяваць эфектыўнае супрацоўніцтва паміж аўтарамі ідэй і прадстаўнікамі бізнэсу для рэалізацыі інвестыцыных праектаў у прамысловасці, сферы інфармацыйных тэхналогій, фінансава-тэхналагічным сектары, медыцыне, сельскай гаспадарцы і сферы паслуг.

У мерапрыемстве возьмуць удзел:

• Андрей Дамарацкі, намеснік старшыні Мінскага гарадскога выканаўчага камітэта;
• Дзмітрый Крупскі, кіраўнік дэпартаменту навукі і інавацыйнай палітыкі Міністэрства эканомікі;
• Уладзімір Карагін, старшыня ГА “Мінскі сталічны саюз прадпрымальнікаў і працадаўцаў”;
• Наталья Нікандрава, дырэктар Нацыянальнага агенства інвестыцый і прыватызацыі;
• Дзмітрый Яўменчык, дырэктар Беларуская фундацыі фінансавай падтрымкі прадпрымальнікаў;
• Юрый Судараў, кіраўнік бізнэс-інкубатара Парку высокіх тэхналогій;
• Юрый Зісер, заснавальнік УП “Надежные программы”;
• Вольга Ляонцьева, дырэктар ГДА “Белфранчайзинг”;
• Антон Бладзік, камерцыйны дырэктар “Атлант Телеком”;
• Annа Daszuta-Zalewska, дырэктар навукова-тэхналагічнага парку ў Беластоку (Польшча);
• Кірыл Валошын, адзін з уладальнікаў беларускага партала TUT.BY, буйнейшага хостынг-правайдара hoster.by і грыль-кафэ Netto;
• Юлія Лакаткова, эксперт па банкаўскім сектары;
• Яўген Клішэвіч, заснавальнік грамадскай платформы Talaka.by і шмат-шмат іншых.

ІТ-прадпрымальнікам будзе цікава даведацца пра магчымасці міжнароднай карпарацыі SAP, якую будуць прадстаўляць мэнэджар па працы з партнёрамі SAP Павел Янкелевіч і мэнэджар па працы з кліентамі Key Account Manger SAP Максім Абазовік.

З пытаннямі юрыдычнага кшталту дапамогуць разабрацца прадстаўнікі юрыдычнай фірмы “Алейнікаў і патрнёры” старшы партнёр Дзяніс Алейнікаў і партнёр Дзмітрый Матвееў.

Прыватны інвестар Дзяніс Пяцелін (ЗША) падзеліцца досведам кіравання ІТ-праектамі.

Для ахвотных стартаваць у Беларусі будуць карыснымі парады прадпрымальныкі Сяргея Метто, які распавядзе, як стваралася кампанія “Онега”.

Напярэдадні мерапрыемства кампанія “Стартап тэхналогіі” дорыць прыемны бонус. 11 снежня ў Парку высокіх тэхналогій (Мінск, вуліца Акадэміка Купрэвіча, 1/1) праводзіцца адмысловы бясплатны семінар на тэму “Падрыхтоўка і рэалізацыя інвестыцыйнай прэзентацыі”. Дырэктар кампаніі Аляксей Шаблоўскі распавядзе пра тыповыя памылкі ў прэзентацыях і пра тое, як пакінуць моцнае ўражанне на інвестараў.

Рэгістрацыя на бясплатны семінар адбываецца тут, а рэгістрацыя на “Стартап года 2015” – па спасылцы.

Пазнаёміцца з падрабязнай праграмай мерапрыемства можна на афіцыйным сайце startupbelarus.by.