Einstein Forum сумесна з Daimler and Benz Foundation прапануюць маладым мыслярам рэалізаваць праект у той галіне, дзе яны яшчэ не праводзілі даследаванняў.
Галоўная мэта праграмы – падтрымаць тых, хто, нягледзячы на выдатныя дасягненні ў сваёй спецыялізацыі, адкрыты да спасціжэння міждысцыплінарных галін навукі – як Альберт Эйнштэйн, у гонар якога названая стыпендыя.
Грант дае магчымасць маладым талентам стварыць даследчы праект на нязвыклым для іх месцы працы. Так паспяховыя кандыдаты змогуць правесці ад 5 да 6 месяцаў у доме Эйнштэйна непадалёк ад Патсдама (Нямеччына).
Удзельнікі змогуць:
- пражываць у доме Эйнштэйна 5 – 6 месяцаў;
- атрымаць стыпендыю у памеры 10 тысяч еўра;
- аплату транспартных выдаткаў.
Патрабаванні да кандыдатаў:
- быць маладзейшым за 35 гадоў і мець навуковую ступень у галіне гуманітарных, дакладных або сацыяльных навук;
- кандыдат ці кандыдатка можа мець доктарскую ступень або толькі працаваць над яе атрыманнем;
- кандыдаты павінны прадэманстраваць якасць, арыгінальнасць і мэтазгоднасць прапанаванага праекту, а таксама выдатнае інтэлектуальнае развіццё;
- праект па форме і змесце павінен істотна адрознівацца ад папярэдняй працы кандыдата.
Заяўку па праграме на ангельскай мове трэба дасылаць на адрас:
Prof. Dr. Susan Neiman
Einstein Forum
Am Neuen Markt 7
14467 Potsdam
Germany
або па электроннай пошце fellowship@einsteinforum.de.
Паводле by.odb-office.eu