• 18.12.2015
• Стыпендыі

Студэнты, якая жадаюць атрымаць ступень магістра ў сферы журналістыкі, запрашаюцца да ўдзелу ў стыпендыяльнай праграме.

Бакалаўры з усяго свету маюць шанец атрымаць адукацыю ў сферы журналістыкі, медыя і глабалізацыі па праграме Erasmus Mundus.

Першы год удзельнікі будуць вучыцца ва ўніверсітэце Орхуса ў Даніі (у другім семестры магчыма атрымаць месца ў Каліфарнійскім універсітэце ў Берклі, Сіднэйскім тэхналагічным і Папскім каталіцкім універсітэтах у Чылі), другі год – у адной з еўрапейскіх ВНУ: Амстэрдамскім універсітэце, Лонданскім гарадскім універсітэце, Гамбургскім універсітэце альбо Ўніверсітэце Суонсі (Вялікабрытанія).

Для ўдзелу ў праграме патрабуецца высокі ўзровень ведання ангельскай мовы.

Фінансавыя ўмовы

Стыпендыі Mundus Journalism Consortium дзеляцца на дзве катэгорыі:

• памерам 47 тысяч еўра – для студэнтаў з краін, якія не ўваходзяць ў склад Еўразвязу;
• памерам 34 іысячы еўра – для астатніх студэнтаў.

Дэдлайн – 10 студзеня 2016 года.

Падрабязную інфармацыю пра ўмовы падачы заяўкі можна адшукаць па спасылцы.

Паводле by.odb-office.eu