Цябе і твой стартап чакаюць у Фінляндыі

  • 21.02.2017
181

Фестываль *ship у Фінляндыі шукае выбітных прадпрымальнікаў, ідэі якіх здольныя мяняць свет.

Global Startup Challenge — гэта анлайн-конкурс для мэтанакіраваных прадпрымальнікаў з усяго свету. Яго мэта — знайсці людзей з рознымі бэкграўндамі і звесці іх з ментарамі з усяго свету. Гэта досвед для тых, хто жадае сам будаваць сваё заўтра, а не назіраць за ім збоку.

Зацікаўленыя кандыдаты могуць аформіць свае ідэі ды стартапы ў заяўку, якая складаецца з вызначэння праблемы і прапановы па яе вырашэнні. Да яе таксама можна далучыць прамоўшн-відэа. Заяўку будуць разгледжаны лакальнымі і рэгіянальнымі экспертамі. Фіналісты атрымаюць запрашэнне на фестываль *ship, які пройдзе 11-13 ліпеня ў горадзе Котка (Фінляндыя).

Патрабаванні да кандыдатаў:

  • узрост — ад 18 гадоў;
  • індывідуальныя прапановы прымаюцца, але перавага аддаецца калектыўным заяўкам;
  • ідэя мусіць утрымліваць элемент стартапу кшталту бізнэс-мадэлі, якую можна скапіяваць і маштабіраваць;
  • стартапы мусяць быць не старэй за тры гады.

Фінансавыя ўмовы

Усе выдаткі на падарожжа пакрываюцца для трох топ-фіналістаў (пералёт, пражыванне, унёсак за ўдзел).

Падаць заяўку можна па спасылцы.

Дэдлайн — 28 лютага 2017 года.