Твой удзел у мадэлі Ўніверсальнага перыядычнага агляду ў Італіі

З 27 па 29 лістапада 2019 г. Універсітэт г. Падуі (Італія) ладзіць мадэль Універсальнага перыядычнага агляду (UPR) — механізма Савета па правах чалавека, які грунтуецца на дыялогу і ўзаемным супрацоўніцтве паміж дзяржавамі-членамі ААН.

Мадэль Універсальнага перыядычнага агляду у Падуі — гэта ролевая гульня, падчас якой удзельнікі імітуюць працэдуру UPR. Асноўныя этапы гульні ўяўляюць сабой фармуляванне дзяржаўных пазіцый па рэалізацыі правоў чалавека, як унутры краіны, так і адносна іншых дзяржаў; інтэрактыўны дыялог у межах рабочай групы Савета па правах чалавека; прыняцце канчатковага даклада па УПА па абраных для разгляду дзяржавах, а таксама каментароў арганізацый грамадзянскай супольнасці.

Мэта правядзення мадэлі УПА — забяспечыць студэнтам ВНУ і магістратуры праз нефармальную адукацыйную дзейнасць глыбокае разуменне УПР.

Удзельнікі гульні аб’яднаюцца ў каманды, задача якіх — прааналізаваць эфектыўнасць абароны правоў чалавека ў дзяржаве, якую яны прадстаўляюць, і іншых дзяржавах-удзельніцах. Каманды вызначаюць пазіцыі і атрымлваюць ролі ў мадэляванні, спрабуючы адлюстроўваць палітычную сітуацыю пэўнай дзяржавы. Так, кожная група будзе выказваць голас не толькі ўраду, але і прадстаўнікам грамадзянскай супольнасці і іншым адпаведным зацікаўленым бакам, у тым ліку, у выпадку неабходнасці, Нацыянальным інстытутам па правах чалавека.

Каго чакаюць:

Навучэнцы і навучэнкі любых універсітэтаў, якія навучаюцца на курсах бакалаўрыяту або магістратуры ў галіне права, паліталогіі, міжнародных адносін і сумежных абласцей.

Умовы:

Удзел у ролевай гульні не прадугледжвае фінансавай падтрымкі і кампенсацыі. Арганізацыя прапануе ўдзельнікам і ўдзельніцам харчаванне і кава-паўзы.

Як падацца:

Студэнты могуць падаць заяўку па асобнасці або ў групе з трох. Максімальная колькасць каманд — 12. Нягледзячы на ​​тое, што ў камандах можа быць больш студэнтаў, толькі тры з іх будуць прадстаўляць каманду і адпаведны універсітэт на заключным этапе мадэлявання ў Падуі.

Як падацца:

Запоўніць анлайн-форму з асабістымі дадзенымі і базавымі ведамі пра механізм UPR. Заяўкі будуць адабраны з улікам найлепшых матываў і адказаў на пытанні.

Індывідуальныя заяўкі можна знайці тут, камандныя — тут. Дэдлайн заявак: 30 жніўня 2019 г.

Больш інфармацыі  —  тут.

Глядзіце таксама: