Асветніцкая ўстанова “Офіс еўрапейскай экспертызы і камунікацыяў” запрашае ў каманду супрацоўніка або супрацоўніцу на вакансію “Інфармацыя і камунікацыя”.
Дэдлайн падачы рэзюмэ: 30 верасня 2018.
Каго шукаюць?
Мы шукаем чалавека, які/ая падзяляе нашы каштоўнасці і гатовы/а стаць часткай каманды. Гэтая пасада для вас, калі вы любіце зносіны, ўмееце натхняць людзей і знаходзіць крэатыўныя рашэнні для розных задач. А калі вы ведаеце, што азначаюць словазлучэнні “мясцовае супольнасць” і “грамадзянскі актывізм” – абавязкова адпраўляйце нам рэзюмэ і матывацыйны ліст!
Чаго чакаюць ад кандыдатаў/к?
- Вы гатовыя актыўна ўдзельнічаць у прасоўванні і вядзення гульні “Добрыя суседзі”, зможаце праяўляць ініцыятыву, прапаноўваць ідэі і рэалізоўваць частку сваіх задумак. Ўсіх кандыдатаў/к на вакансію мы просім падрабязней азнаёміцца з гульнёй па спасылцы;
- Вы разумееце, што такое падыход, заснаваны на правах чалавека, і гатовыя ўжываць яго пры падрыхтоўцы матэрыялаў;
- У вас ёсць вопыт працы ў сацыяльных сетках і вы разумееце спецыфіку розных сетак і мэсанджараў (Facebook, VK, Instagram, Telegram), ўмееце рыхтаваць публікацыі з улікам гэтай спецыфікі і валодаеце інструментамі для прасоўвання і аналізу ўзаемадзеяння з аўдыторыяй (SMM);
- Вы пішаце пісьменныя і арыгінальныя тэксты, а яшчэ ў вас ёсць пул журналістак/аў, вопыт супрацоўніцтва і размяшчэння матэрыялаў у медыя на бясплатнай аснове;
- Вы ўмееце і любіце рабіць яркія фатаграфіі на смартфон і фотакамеру, а таксама валодаеце рэдактарам Photoshop (ці іншым);
- Вы можаце прыкласці да рэзюмэ спасылкі на вашыя артыкулы, медыя-праекты або публічныя акаўнты ў сацыяльных сетках, якія вы вялі/ведзяце;
- Вы свабодна валодаеце рускай, ангельскай і беларускай мовамі і можаце выканаць тэставае заданне на адной з гэтых моў;
- Вы свабодна карыстаецеся пакетам MS Office, сэрвісамі Google і ведаеце прынцып працы блогавых сэрвісаў (WordPress);
- Вы гатовыя навучацца і прымаць удзел у курсах і трэнінгах, якія дапамогуць вам выконваць працу больш паспяхова.
Наяўнасць досведу працы ў некамерцыйных арганізацыях вітаецца.
Ўмовы працы
Мы запрашаем тых, хто зможа працаваць у офісе ў першай палове дня, і прысутнічаць на публічных мерапрыемствах і трэнінгах, арганізаваных ОЕЭК. Мы чакаем, што частку працы вы зможаце рабіць выдалена на працягу дня і аператыўна рэагаваць на тэрміновыя заданні.
Тэрмін кантракту: 15 кастрычніка – 31 ліпеня 2019 года.
Частковая занятасць (20 рабочых гадзінаў на тыдзень).
Як падаць заяўку?
Да 30 верасня ўключна дашліце сваё рэзюмэ і матывацыйны ліст на e-mail oeec.ngo@gmail.com. У рэзюмэ абавязкова апішыце ваш папярэдні досвед працы з пацвярджэннем (спасылкі на вашыя артыкулы, медыя-праекты або публічныя акаўнты ў сацыяльных сетках, якія вы вялі/ведзяце). У самім лісце пазначце жаданую заработную плату.
У тэме ліста неабходна пазначыць “Вакансія: інфармацыя і камунікацыя».
Паспяховыя кандыдаты/кандыдаткі будуць запрошаныя на сумоўе.