Вучоба для студэнтаў з усяго свету

Эрасмус Мундус – Models and Methods of Quantitative Economics – прапануе стыпендыі для бакалаўраў з выдатнымі поспехамі.

QEM – гэта паўнавартасная ‘joint full-time’ праграма для паспяховых студэнтаў, якія спецыялізуюцца ў розных сферах.

Праграма падтрымлiваецца кансоцыюмам чатырох унiверсiтэтаў:

  • Universitė Paris 1 Panthėon-Sarbonne;
  • Universitat Automoma de Barcelona;
  • IMW – Institute of Mathematical Economics of Universität Bielefeld;
  • Universita Ca’ Foscari Venezia.

Адпаведна краіны навучання – Францыя, Гiшпанiя, Германiя, Iталiя.

Патрабаваннi для кандыдатаў

Высокія адзнакі дыплому бакалаўра, а таксама яго прызнанне (180 ECTS) – асноўныя патрабаваннi для падачы заяўкi. Любыя iншыя квалiфiкацыi – iншая ступень бакалаўра, магiстарская ступень i iнш. – павiнны быць пазначаны ў заяўцы.

У iдэальным выпадку, на першай ступенi кандыдаты павiнны вывучаць матэматыку, прыкладную матэматыку, колькасную эканомiку альбо фiнансы. Таксама вiтаюцца i кандыдаты з iншымi прадметамi i напрамкамi.

Магiстарская праграма прадугледжвае ангельскую мову як асноўную мову навучання. У сувязi з гэтым патрабуецца сертыфiкат валодання ангельскай мовай (Certificate of Proficiancy in English), найлепш TOEFL.

Падача заяўкi:

  • зарэгiстравацца на анлайн-платформе;
  • запампаваць неабходныя дакументы (CV, матывацыйны лiст, падцверджанне нацыянальнасцi, сертыфiкаваны пераклад адзнак, сертыфiкаваная копiя бакалаўрскага пасведчання, сертыфiкат валодання ангельскай мовай, два рэкамендацыйныя лiсты).

Дадатковую iнфармацыю можна знайсці па спасылцы.