Вялікі саміт у Эміратах для лідараў новага пакалення

Youth to Youth Initiative і GADHA Initiatives Group for Youth шукае ўдзельнікаў на 3-ці міжнародны моладзевы саміт.

Калі: 23-27 красавіка 2017 года.
Дзе: Дубаі, Аб’яднаныя Арабскія Эміраты.

Будучы саміт прысвечаны тэме, як моладзь можа ствараць сацыяльныя інавацыі і будаваць устойлівую будучыню з дапамогай інфармацыйных і камунікацыйных тэхналогій. Мерапрыемства збярэ 150 міжнародных і 50 лакальных лідараў, больш за 30 дасведчаных спікераў і гасцей, якія разам будуць абмяркоўваць праблемы, шукаць з іх выйсце і распрацоўваць сумесныя планы на будучыню.

Патрабаванні да кандыдатаў:

  • грамадзянства любой краіны свету;
  • узрост – ад 18 да 35 гадоў;
  • дэманстраваць моцныя міжасобасныя скілы і патэнцыял стаць лідарам у сваёй супольнасці;
  • мець прагу да стварэння пазітыўных сацыяльных зменаў;
  • мець досвед актыўнай працы ў палітыцы (лакальнай, нацыянальнай альбо міжнацыянальнай), грамадскіх арганізацыях, медыях, бізнэс-сектары ды інш;
  • добра валодаць пісьмовай і вуснай ангельскай.

Фінансавыя ўмовы

Унёсак за ўдзел складае 300 еўра, якія ўключаюць выдаткі на пражыванне, харчаванне, матэрыялы для сесій. Выдаткі на праезд і візу удзельнікі пераймаюць на сябе.

Усе падрабязнасці, у тым ліку пра тое, як падаць заяўку, шукайце па спасылцы.

Дэдлайн – 23 снежня 2016 года.
З пытаннямі можна звяртацца на е-адрас info@y2yinitiative.org.