Вельмі эфектыўна працуецца ў Вене

13-17 чэрвеня 2016 года ў Вене ладзіцца летняя школа «Энергаэфектыўнасць. Міжнародны праектны мэнэджмент — ад тэорыі да практыкі».

Да ўдзелу ў навучанні запрашаюцца грамадзяне краін Усходняга партнёрства (Беларусі, Украіны, Малдовы, Грузіі, Арменіі, Азербайджана), Еўразвязу, а таксама асацыяваных з Еўразвязам краін.

Навучэнцы даведаюцца пра спецыфіку мэнэджменту навуковых праектаў, звязаных з праграмамі мабільнасці «Horizont 2020» і «Marie-Skłodowska-Curie Actions». У прыватнасці, пра магчымасці фінансавання ў межах «Horizont 2020», падрыхтоўку паспяховых прапаноў для «Horizont 2020», кіраўніцтва праектамі, у якіх працуюць міжнародныя каманды даследчыкаў.

Запрашаюцца маладыя даследчыкі (праектныя менеджэры), якія працуюць у камандах навукоўцаў у інстытутах сваіх краінаў і якія зацікаўлены ў міжнародным навуковым супрацоўніцтве, мэнэджменце сумесных праектаў, што фінансуюцца міжнароднымі даследчыцкімі праграмамі.

Вітаюцца навуковыя даследчыкі і праектныя мэнэджэры ў галіне энергаэфектыўнасці, бяспечнай энергетыкі і інш.

Фінансавыя ўмовы

Арганізатары пакрываюць усе выдаткі, звязаныя з удзелам у навучанні, і кампенсуюць праезд.

Кандыдаты на ўдзел мусяць запоўніць анлайн-заяўку.

Дэдлайн — 21 красавіка 2016 года. Падрабязнасці — па спасылцы.

Паводле by.odb-office.eu