• 08.12.2017
• Іншае

Фестываль Watch Docs Belarus запрашае да прагляду дакументальнага кіно сусветнага ўзроўню, а таксама да ўдзелу ў серыі мерапраемстваў.

Калі: 14-17 снежня 2017
Дзе: кінатэатр Мір, Цэнтр культурных інавацый Оk16, Гістарычная майстэрня

Галоўная місія Фестываля – прыцягнуць увагу да найбольш актуальных падзей сучаснасці і стварыць прастору для іх абмеркавання. Фільмы і дыскусіі сёлета прысвечаныя 3 асноўным тэмам: папулізму, памяці і вялікаму свету.

Дакументальныя гісторыі з розных куткоў свету, што будуць паказаныя за 4 дні Watch Docs Belarus, не толькі цікавыя самі па сабе, але і сугучныя таму, што адбываецца ў Беларусі. Менавіта таму пасля паказаў каманда прапануе глядачам узяць удзел у спецыяльных падзеях Фестываля.

Спецпадзеі Фестываля Watch Doc Belarus:

• адкрыццё Фестываля, 14 снежня, 18:30, кінатэатр “Мір”;
• дыскусія «Папулізм у сучасным грамадстве: чаму ён працуе і як», 15 снежня, 19:00, кінатэатр “Мір”;
• дыскусія “Чаму ГУЛАГ – дасюль актуальная з’ява”, 16 снежня, 13:00, кінатэатр “Мір”;
• абмеркаванне фільма “Чыстыя” разам з гульцамі каманды Крумкачы, 16 снежня, 15:00, кінатэатр “Мір”;
• кінаноч, 16 снежня, 23:59, Ok16;
• дыскусія “Героі беларускай архітэктурнай спадчыны”, 17 снежня, 15:00, кінатэатр “Мір”.

Фестываль не мае буйных спонсараў. Ён арганізаваны на сродкі, сабраныя краўдфандынгам, з дапамогай валанцёраў і па ініцыятыве грамадскай арганізацыі Звяно. Фестываль праводзіцца ў трэці раз.

Усе фільмы транслююцца на мове арыгіналу з субтытрамі па-руску або па-беларуску.

Тры фільмы, якія рэкамендуе каманда Watch Docs Belarus:

• Хто смяецца апошні – пра тое, як смех ратуе ад смерці. Расповяды выжылых у Халакосце.
• Спытай сэксперта – насычаная гумарам і сур’ёзнымі пытаннямі гісторыя 93-гадовага сэкс-кансультанта з Мумбаі.
• Рызыка – стужка, працуючы над якой рэжысёрка Лаўра Пойтрас максімальна блізка падыйшла да Джуліяна Асанжа. І ёй не спадабалася ўбачанае.

Больш інфармацыі пра фільмы па спасылцы.