Занэтворкіцца ў Нідэрландах з усім светам

The Netherlands School for Innovative Education запрашае моладзевых работнікаў з усяго свету ў Амстэрдам, каб занэтворкіцца і знайсці новых партнёраў для будучых праектаў.

Калі: 27 жніўня — 1 верасня 2017 года.
Дзе: Амстэрдам, Нідэрланды.

Нідэрланды — невялікая, але вельмі інтэрнацыянальная краіна. У ёй знаходзіцца вялікая колькасць моладзевых арганізацый, якія зацікаўлены ў супрацы з арганізацыямі ў іншых краін.

Да ўдзелу запрашаюцца прадстаўнікі моладзевых арганізацый з усяго свету, якія жадаюць сустрэцца з калегамі з іншах краін, распавесці ім пра сваю працу і актыўнасці, падзяліцца досведам.

Задачы мерапрыемства:

  • усталяваць новыя кантакты паміж моладзевымі арганізацыямі з Нідэрландаў і іншых краін;
  • усталяваць новыя кантакты паміж моладзевымі работнікамі і ўдзельнікамі івэнту;
  • прадставіць моладзевыя арганізацыі ўдзельнікам;
  • прадставіць магчымасці фінансавання ў Нідэрландах для міжнародных моладзевых арганізацый.

Фінансавыя ўмовы

Пражыванне і харчаванне — гэта клопат арганізатараў. Выдаткі на праезд будуць вяртацца ў памеры да 350 еўра, калі вы будзеце ляцець з Усходняй Еўропы.

Падаць заяўку можна тут.

Дэдлайн — 13 ліпеня 2017 года.