Займаецеся выдавецкай справай? Для вас ёсць стыпендыя ў Франкфурце

Праграма “Frankfurt Fellowship” запрашае прафесіяналаў у галіне выдавецтва паўдзельнічаць у конкурсе на атрыманне стыпендыі. Мерапрыемствы праграмы пройдуць у кастрычніку 2019 г. – падчас Франкфукцкай кніжнай выставы.

Упершыню арганізаваная ў гонар 50-годдзя Франкфурцкай кніжнай выставы (Frankfurter Buchmesse) ў 1998 годзе, праграма “Frankfurter Buchmesse Fellowship” ужо 20 гадоў прымае новых удзельнікаў. На сённяшні дзень выпускнікамі праграмы сталі больш за 350 выдавецкіх экспертаў з амаль 60 краін. Стыпендыяты наведваюць выдавецтвы і кніжныя крамы ў трох нямецкіх гарадах, тэматычныя мерапрыемствы і падзеі, знаёмяцца з асаблівасцямі кніжнай прэзентацыі і атрымліваюць магчымасць наладжваць каштоўныя сувязі ў сферы выдавецтва.

Чаго чакаюць ад кандыдатаў:

  • Некалькі гадоў досведу працы ў галіне выдавецтва;
  • Добрае валоданне англійскай мовай;
  • Тры рэкамендацыйныя лісты ад міжнародных дзелавых партнёраў;
  • Рэкамендацыя ад кіраўніцтва выдавецтва, з якім супрацоўнічае кандыдат.

Як падацца:

Знайсці і спампаваць форму для падачы заяўкі па спасылцы, запоўніць заяўку і даслаць на адпаведны адрас. Тэрмін падачы заявак: 30 красавіка 2019 года.

Больш інфармацыі – тут.