Цэнтр навыкаў эмацыйнага інтэлекту “ZenFish” запрашае на тэст-драйв! Перад стартам новага навучальнага семестра цэнтр прапануе унікальную магчымасць “пратэставаць” самыя смачныя кавалачкі курсаў, пазнаёміцца з выкладчыкамі і камандай цэнтра, набыць карысныя навыкі і выдатна правесці час у сяброўскай атмасферы.
Варкшопы створаць ідэальнае поле для даследавання таго, як мы ўспрымаем іншых і сябе ў прасторы, дапамогуць развіць самасвядомасць, эмпатыю, сацыяльныя навыкі і цялесны інтэлект.
Што будзе на тэст-драйве?
14.00 – 15.00 (вул. Чапаева, 3, оф. 239) – знаёмства з цэнтрам, чаяванне і нефармальная камунікацыя з заснавальніцай цэнтра Кацярынай Карповіч.
15.00 – 16.20 (вул. Чапаева, 3, оф.326) – варкшоп “Цялесны інтэлект”. Варкшоп дапаможа вам усвядоміць і ўключыць “неіснуючыя” для нашага звычайнага ўспрымання глыбокія мышцы свайго цела, “страчаныя” намі з-за сучаснага ладу жыцця. Ва ўдзельнікаў будзе магчымасць дыягнаставаць праблемы з выправай, разабрацца ў іх прычынах і спосабах карэкцыі, а таксама трохі абвастрыць цялеснае ўспрыманне і … пачаць хадзіць па-новаму!
Вядучая – Алена Крылеўская, кіраўнік студыі “MORE Жыцця”. Адукацыя: БДУ, біялагічны факультэт. З 1999 года – інструктар групавых і індывідуальных праграм па В’ет Во Дао (в’етнамскае воінскае мастацтва) і Цыгун. З 2005 па 2008 год – кіраўнік студыі Цыгун для супрацоўнікаў Інстытута Нацыянальнай бяспекі РБ.
16.30 – 17.50 (вул. Чапаева, 3, оф.326) – варкшоп «Як распазнаць дэпрэсію». На варкшопе вы даведаецеся, якія прыкметы ў дэпрэсіі, чым яна адрозніваецца ад проста дрэннага настрою і як працуюць кагнітыўныя механізмы дэпрэсіі. Акрамя таго, будуць разгледжаны варыянты працы з дэпрэсіяй і сітуацыі, у якіх варта звяртацца да спецыяліста.
Вядучая – Кацярына Карповіч, заснавальніца цэнтра ZenFish. Акрэдытаваны кагнітыўнай-паводніцкі тэрапеўт, магістр псіхалагічных навук (БДУ), практык випассаны ў традыцыі Махаси Саядо. Спецыялізацыя – трывожнасць і трывожныя расстройствы дэпрэсіі, псіхалогія здароўя, тэхнікі эмацыйнай рэгуляцыі.
18.00 – 19.20 (вул. Чапаева, 3, оф.326) – урывак з ларпа “Blind City”. На гэтай ролевай гульні жывога дзеяння ўдзельнікі змогуць пашырыць магчымасці свайго EQ, стварыўшы ўласнага персанажа ў поўнай цемры, грунтуючыся толькі на дотык, пахі, слых, інтуіцыю.
Вядучая – Алена Рабкіна, педагог, спікер TEDx, гейм-дызайнер. Выкладчык Школы Сацыяльнага Прадпрымальніцтва Talaka.by. З 2013г. вядзе розныя трэнінгі па камунікацыі, крэатыўнаму мысленню, развіццю асабістых якасцяў. З 2015 г. стварае ларпы. Яе ларпы праводзяцца ў Беларусі, Даніі, Нарвегіі, Літве, Польшчы.
19.30 – 21.00 (вул. Чапаева, 3, оф.326) – прэзентацыя цэнтра, знаёмства з выкладчыкамі і іх курсамі.
Удзел бясплатна, але неабходная папярэдняя рэгістрацыя. Звярніце ўвагу, што колькасць месцаў абмежавана!